Aktualitet

Doli në përgjime me Astrit Avdylin, merret në pyetje Dyrmishi, ish-drejtori i Hipotekës

Dyrmishi doli në përgjimet e publikuara nga "Bild" në lidhje me "Dosjen 339" ku dëgjohej teksa fliste me të dënuarin për vrasje Astrit Avdyli.
Featured image of article: Doli në përgjime me Astrit Avdylin, merret në pyetje Dyrmishi, ish-drejtori i Hipotekës Ani Dyrmishi dhe Astrit Avdyli

TIRANË– Prokuroria e Krimeve të Rënda ka marrë në pyetje Ani Dyrmishin, drejtorin e Hekurudhave në Durrës.

Dyrmishi doli në përgjimet e publikuara nga “Bild” në lidhje me “Dosjen 339” ku dëgjohej teksa fliste me të dënuarin për vrasje Astrit Avdyli.

Avdyli njihet ndryshe si koka e bandës së Shijakut. Në kohën kur janë bërë përgjimet, Dyrmishi mbante postin e drejtorit të Hipotekës. 

Më herët Prokuroria ka marrq në pyetje 9 persona të tjerë, mes tyre Ilir Ndraxhin.

Gjermanja “Bild” publikoi disa audiopërgjime lidhur me të ashtuquajturën “Dosja 339/1″një nga çështjet, hetimi i të cilës bëri që PD ta ketë si çështje kryesore në betejën për rrëzimin e qeverisë.

Në përgjime dëgjohet Astrit Abdylaj, i cili përfshihet vetë në fushatën elektorale të PS

Avdyli kërkon që miku i tij, Elton Arbana të jetë pjesë e listës së deputetëve në Durrës, dhe vë në dukje mbështetjen që familja Avdyli ka për deputetin Ilir Ndraxhi.

Në bisedat e publikuara Astrit Avdyli zotohet se rezultati i Partisë Socialiste në Durrës do të jetë spektakolar.

(f.m/dosja.al)

Shto Koment