Aktualitet

Vritet i riu në Shkodër nga bashkëfshatari, autori e akuzonte se i kishte ngacmuar vajzat, e priti pas kthimit nga e motra dhe e qëlloi mbi motor, gruaja: U zu me djalin në lokal (EMRAT-FOTOT)

VIDEO
Vrasje në Bardhaj të Shkodrës. Fqinji 47-vjeçar qëllon për vdekje Emiljano Ndoun, bashkëfshatarin e tij, pasi pretendon se viktima i ka ngacmuar të bijat. Shkaku final i vrasjes, xhiroja me zhurmë që Ndou bëri me motor para shtëpisë së tij para se të qëllohej nga autori. Arrestohet Mark Kodra. Merren në pyetje familjarë të viktimës dhe autorit. 
Featured image of article: Vritet i riu në Shkodër nga bashkëfshatari, autori e akuzonte se i kishte ngacmuar vajzat, e priti pas kthimit nga e motra dhe e qëlloi mbi motor, gruaja: U zu me djalin në lokal (EMRAT-FOTOT) Emiljano Ndou, vendi i ngjarjes dhe bashkeshortja e Mark Kodres
Përditësuar:

SHKODËREmiljano Ndou, 25 vjeç është ekzekutuar me armë zjarri pak pasi kaloi mesnata, në fshatin Bardhaj në Shkodër. I riu sapo ishte kthyer nga shtëpia e të motrës dhe autori, Mark Kodra, 47 vjeç, bashkëfshatar i tij, i zuri pritë dhe e ka qëlluar me kallashnikov. Ngjarja ka ndodhur në afërsi të kalçetos sportive të fshatit Bardhaj, në një orar ku rrugët kanë qenë të boshatisura. Fillimisht Ndou dhe Kodra janë përfshirë në një debat verbal, dhe në këtë moment, 47-vjeçari ka nxjerrë armën e zjarrit dhe ka qëlluar për vdekje të riun. 

Emiljano Ndou, viktima

Edhe pse fqinj, marrëdhëniet mes tyre kishin shumë kohë që shoqëroheshin vazhdimisht nga probleme. Kjo është dëshmuar edhe nga autori në polici, i cili ka deklaruar se shkaku i vrasjes lidhet me ngacmimet e vazhdueshme që viktima iu bënte vajzave të tij. Episodi i fundit sipas autorit ka ndodhur në momentin e vrasjes, ku viktima i ka kaluar me motor përpara shtëpisë duke bërë zhurmë. Në këtë moment, ai ka marrë kallashnikovin dhe ka qëlluar në drejtim të Ndout duke e lënë të vdekur. I qetë ai është futur në banesë, duke menduar se nuk e ka vrarë, por vetëm e ka trembur.

Ndërkohë që një tjetër version është zbuluar nga gruaja e autorit, Bukuroshe Kodra. Ajo thotë se vrasja ka ndodhur për shkak të një goditjeje fizike që viktima i ka bërë djalit të tyre, dhe në këtë moment babai ka vendosur të ndërhyjë. Bukuroshe Kodra mohon ngacmimin e të bijave dhe apelon për ndihmë nga shteti, pasi tani rrezikohen nga gjakmarrja.

Për më shumë bëhu pjesë e grupit më viral në Facebook, Dosja.al


Kur policia e Shtetit është afruar për ta arrestuar, ai ka tentuar të largohet por është prangosur. Autorit i është sekuestruar edhe kallashnikovi me të cilin vrau Ndoun, ndërkohë që grupi hetimor  ka shkuar ditën e sotme sërish në vendin e ngjarjes për të zbardhur rrethanat e vrasjes. Në pyetje pritet të merren edhe familjarë të viktimës dhe të autorit për të kuptuar arsyet e zënkave mes tyre që përfunduan në një ngjarje tragjike. 

(f.m;kle.mu;f.g/Dosja.al)

  • 11:00

    “Më mirë të më vriste mua sesa atë”, gruaja e autorit në Shkodër rrëzon pistën e policisë: S’ka ngacmuar vajzat, kishte sherr me djalin tonë, e ka qëlluar në lokal, pasi e vrau burri më tha se…(RRËFIMI I PLOTË)


    Bukuroshe Kodra, gruaja e Mark Kodrës, autorit të vrasjes së fqinjit të tij në Shkodër, Emiljano Ndou është shprehur se vrasja ka ndodhur pas një debati mes dy djemve, djalit të saj dhe viktimës. Gruaja tregon se 25-vjeçari ka xhiruar gomat para banesës dhe në këtë moment, djali i ka thënë të ecë me kujdes, por Ndou i është përgjigjur “Eci si të kem dëshirë”. Gruaja ka mohuar që vrasja të lidhet me një ngacmim për të bijat e saj. Ajo ka shtuar se viktima i ka qëlluar djalin në lokal.

    “Është kap djali me të. Ka ardhur këtu dhe ka xhiruar gomat e motorit aty. Ai ka qenë djalë i lëvizshëm, por se ka pasur konflikte me vajzat absolutisht. Ka dalë dhe ka një shok aty, komshi. Ka sjellë shokun aty, e përcillte. Djali im është shumë i butë. Ai ka xhiruar gomat aty, unë kam fëmijë, kam nipat ose mbesat ai hap portën, del e zë me motor. I ka dalë djali dhe i ka thënë më ngadalë. Unë i tha ai xhiroj ku të dua, si punë trimi. E kanë lënë. Mbrëmë i ka thënë djalit çfarë ke pasur atë natë, para një jave. I ka thënë djali u krye ajo punë, u morëm vesh në bashkë. Jo i ka thënë ky dhe e ka sharë me tan robt djalin dhe i ka rënë. Ai e ka shenjë. Djali ka hyrë brenda e ka folur me djalin në Francë dhe e ka dëgjuar vajza. Më tha mua është kapur Valentini me dikë, por jo se me kë. E kam pyetur djalin me kë je ngatërru, më tha me filanin. Më tha më ka sha dhe më ka rënë, dhe këtë punë e mbyll unë. Dhe doli e iku. Unë nuk e kam parë mbrëmë që dje. Burri dëgjoi dhe doli të merrej vesh me viktimën. Është takuar tek lokali, e ka sharë dhe këtë. I ka thënë desha me u sqaru me ty që mos me u bë e madhe. Ai e ka sharë dhe i ka rënë dhe këtij. Pas pak erdhi burri dhe hyri brenda. Nuk ka bërë as 15 minuta erdhi viktima dhe solli shokun e tij prapë, këtë komshinë. Motori i tij dëgjohej prej qendrës. Ka dalë, e ka lënë armën aty dhe e ka pritur kur të kthehej. Kam dalë përpara me i ul armën dhe më ka shtyrë mua. Ai ka xhiruar gomën këtu dhe ka nxjerr tym. Kot pa lidhje ka qenë, se ne kemi qenë miq. Ka qenë mush për dikë dhe ka mbet tek na. Burri doli për ta ndalur, por nuk e ndali dot. Ndaloi vetë këtu, i ka rënë gomës së pasme dhe ka nxjerr tym, atëherë burri e ka qëlluar. Ka pas dhe një konflikt para një viti, i ka rënë dhe atëherë burrit tim. E ka lënë burri im atë punë. Mbrëmë ka qenë mbush komplet.”-tha ajo. 

    Gruaja e autorit tregon se i shoqi shkoi për tu sqaruar me të dhe se nuk ka patur dijeni që e ka vrarë.  “Burri ka hyrë brenda, ka ulur automatikun para vetes, është ulur në divan dhe ka ndezur cigare. Krisi motori deri atje dhe aty mbeti. Ka dalë ky djali, komshia dhe tha e ka vrarë. Hyra brenda i thashë burrit e myte, a e vrave, a je i kënaqur? Më tha ‘kurrë i fije i pendum nuk jam’. Ishte ose unë o fëmija. Më mirë unë që e kam kry punën. Unë e kam marrë policinë, kanë ardhur me armë të tërë, e kanë marrë dhe kaq”, deklaron gruaja.

    Kodra tha se edhe pasi u vra, motori me trupin e të riut ka vazhduar të ecë. Ajo apelon për ndihmë nga shteti pasi sipas saj, dy familjet rrezikohen nga gjakmarrja.

    “Rreth 100 metra motori ka ecur pasi ai është qëlluar pastaj ka rënë. Një plumb ka pasur në shpinë. Na vjen shumë keq, djalë i ri. Më përpara të më kishte vrarë mua, se atë. Keq më vjen dhe për të dhe për vete, që na mbeti ne se nuk kemi parë një ditë të mirë. 7 fëmijë i kam rritur vetëm me punë të burrit. Rreziku ndodh dhe të gjen ku të jesh. Mua më vjen shumë keq për të ritë e tij, mendoj si për djalin tim. Më shumë kam qarë për të ritë e tij se për atë që më ka ndodhur mua. Mua më ka ndodh më keq se atij. Atij i ka dek e forcojnë të tërë. Mua as më kanë vdek, as i kam gjallë. Është gjak ai, është burg e të gjitha. Po nuk i mendon kush, 1 minutë është. Një djalë e kam në Francë, dy të tjerët nuk e di ku i kam. Po normal që brenda do rrinë, se është gjak ai. Nuk do dalin. Ikën policia kush do i mbrojë. Djali është i pambrojtur. Kam dhe vajzat kush mi mbron. Është më keq. Djemtë do rrinë të ngujuar. Me vra një njëri, pavarësisht se nuk ta qan hallin se të ka ra në qafë, nuk ka qenë kush me ty që me thënë se e ka kërcënuar. Nuk kemi pasur absolutisht konflikt për vajzat. Ai ka qenë mbush haram me i mbet dikujt në dorë. Nuk kanë pasur lidhje me të vajzat. Nuk ka qenë rrugë për punë vajzash. Ka qenë rrugë për me të përul. Djali im është shumë i urtë, shumë i butë ky i dyti. Me qenë i vogli kisha thënë nuk e kam problem hiç, ai është shumë më i mbrapshtë, po ky është shumë i butë dhe ai i ka rënë në qafë, hajt se është i butë dhe i përulur ndër shokë. Me pas qenë kishte gjet një vend tjetër dhe e kishte thirrur, por jo mes 30 vetëve. Me të ra si të duket ty, me të ra dhe me të sha? Unë jam femër dhe kisha luftuar për veten të më shante kush”, deklaron gruaja.

  • 9:44

    Del FOTOJA! Ky është 25-vjeçari Emiljano Ndou, bashkëfshatari e vrau se i ngacmoi vajzat

    Ky është Emiljano Ndou, 25-vjeçari që u  ekzekutua me armë zjarri pak pasi kaloi mesnata, në fshatin Bardhaj në Shkodër.

  • 8:07

    “Nuk durova më”/ Dyshohet se Emiljano Ndou i ka ngacmuar vajzat 47-vjeçarit, Kodra: Më erdhi në majë të hundës

    25-vjeçari Emiljano Ndou, i cili u ekzekutua mbrëmjen e djeshme në Shkodër nga fqinji i tij me kallashnikov, dyshohet se i ka ngacmuar vajzat 47-vjeçarit.

    Dyshohet se palët kanë pasur edhe më herët të tilla konflikte dhe kjo mund të jetë arsyeja që ka çuar Mark Kodrën që të vrasë të riun. Pas ngjarjes së rëndë, Kodra është futur në banesën e tij dhe ka qëndruar aty derisa është prangosur nga policia.

    Mark Kodra mësohet ka thënë para policisë: “Nuk durova më, ma kishte sjellë në majë të hundës”.

  • 7:12

    Ekzekutimi i Emiljano Ndout në Shkodër, viktima dhe autori ishin fqinjë, i riu po kthehej nga motra teksa u vra

    Emiljano Ndou, 25 vjeçari që u  ekzekutua me armë zjarri mbrëmjen e djeshme, është fqinj me autorin e krimit, Mark Kodrën.

    Mësohet se ngjarja e rëndë ka ndodhur në fshatin Bardhaj të Shkodrës, në afërsi të një kalçetoje, në momentin që i riu po kthehej në shtëpinë e tij, pasi kishte qenë te motra.

  • 1:41

    Dalin EMRAT, kush është 25-vjeçari që u vra sot në Shkodër, identifikohet dhe autori i krimit

    Foto ilustruese

    Dosja.al ka ardhur emrat e dy protagonistëve të përfshirë në krimin e rëndë që tronditi Shkodrën mbrëmjen e sotme.

    Mësohet se viktima është Emiljano Ndou 25 vjeç, ndërsa autori që është vënë në pranga, është Mark Kodra, 47 vjeç.

    Ngjarja e rëndë ndodhi pak para mesnate në fshatin Bardhaj të Shkodrës, pranë një kalçetoje, pas një sherri për motive të dobëta.

  • 1:17

    ZBARDHET vrasja në Shkodër, 47-vjeçari ekzekutoi të riun me kallashnikov pranë kalçetos

    Policia ka publikuar njoftimin për krimin e rëndë që tronditi Shkodrën mbrëmjen e sotme. Sipas njoftimit të policisë, ngjarja ka ndodhur në fshatin Bardhaj të Shkodrës, pranë një kalçetoje. Pas një sherri për motive të dobëta, Mark Kodra ka qëlluar me kallashnikov Emiljano Ndoun, duke e lënë të vdekur. Autori është vënë në pranga më pas.

    Njoftimi i policisë: Vrau me armë zjarri për motive të dobta 25 vjeçarin, Policia  vë në pranga autorin. Sekuestrohet arma e zjarrit kallashnikov me të cilën dyshohet se autori kreu krimin. Në fshatin Bardhaj, në afërsi të një kalçetoje, dyshohet se një konflikti për motive të dobta shtetasi  M.K, 47 vjec, banues ne fshatin  Bleran Bardhaj,  ka vrarë me armë zjarri shtetasin E.N, 25 vjeç, banues ne Bleran Bardhaj.

    Falë reagimit në kohë dhe  veprimeve të  shpejta e profesionale të kryera nga Policia, u bë e mundur  identifikimi dhe kapja brenda pak minutash  e autorit të dyshuar të vrasjes.  Grupi hetimor  nën drejtimin e Prokurorisë po punon pēr sqarimin e rrethanave dhe dokumentimin e plotë  të kësaj ngjarjeje.

Shto Koment