Politike

Andi Bushati braktis emisionin “Open”: Nuk kam ç’bëj më këtu, Balla e drejton regjinë kështu?

Në këtë moment, Balla kundërshtoi dhe tha se nuk mund të jepte përgjigje e nuk ishte në atë lidhje për të dëgjuar Bardhin. Vasili tha më tej se nëse ai nuk donte, nuk do ta jepte kronikën, por do t’ia shpjegonte ajo fjalët e Bardhit. Balla kundërshtoi sërish, ndërsa Bushati nuk u përmbajt më.
Featured image of article: Andi Bushati braktis emisionin “Open”: Nuk kam ç’bëj më këtu, Balla e drejton regjinë kështu?

TIRANË– Analisti Andi Bushati ka braktisur studion e emisionit “Open” mbrëmjen e sotme. Në momentin që në lidhje me Skype u fut Taulant Balla, moderatorja e emisionit Eni Vasili tha se duhet të jepte kronikën e Sekretarit të Përgjithshëm të Partisë Demokratike, Gazment Bardhi për ngjarjen në Elbasan.

Në këtë moment, Balla kundërshtoi dhe tha se nuk mund të jepte përgjigje e nuk ishte në atë lidhje për të dëgjuar Bardhin. Vasili tha më tej se nëse ai nuk donte, nuk do ta jepte kronikën, por do t’ia shpjegonte ajo fjalët e Bardhit. Balla kundërshtoi sërish, ndërsa Bushati nuk u përmbajt më.

Ai akuzoi drejtpërdrejt në studio se Balla po drejtonte regjinë e emisionin dhe se nuk kishte se çfarë të bënte më në atë emision. Bushati u ngrit dhe u largua.

Pjesë nga biseda:

Eni Vasili: Zoti Balla më lejoni të jap deklaratën e zotit Bardhi sepse nuk e dhamë dot të gjithë, ju do të përgjigjeni dhe publiku ka nevojë të dëgjoje…

Taulant Balla: Jo, jo, unë nuk jam këtu për të komentuar e për t’ju përgjigjur zotit Bardhi

Eni Vasili: Po është korrektësi, për publikun

Për më shumë bëhu pjesë e grupit më viral në Facebook, Dosja.al

Taulant Balla: Jo, jo..

Eni Vasili: Po mirë atëherë, nëse nuk doni ta dëgjoni jua shpjegoj unë se çfarë tha

Taulant Balal: S’do dëgjoj

Eni Vasili: Shiko, për masakrën e Elbasanit, do komentoni tani, ai ka folur dhe…

Andi Bushati: Sapo prononcove se do të japësh kronikën e Bardhit, të gjithë shikuesve të Top Channel dhe tani po e anulon sepse kështu tha Balla. Po Balla e drejton regjinë kështu, Balla? Po ç’po bëhet në këtë vend,…unë nuk ka se ç’bëj më në këtë emision… (ngrihet dhe largohet). 

(f.m/dosja.al)

Shto Koment