Aktualitet

Akuzat e PD, OSHKDH i përgjigjet Baçit: Në Fier kemi çuar 1200 tamponë gjatë këtij muaji, mos bëni politikë me sëmundjen

OSHKSH thotë se këto janë akuza të pabaza dhe se në një muaj në qarkun e Fierit janë dërguar 1200 tamponë.
Featured image of article: Akuzat e PD, OSHKDH i përgjigjet Baçit: Në Fier kemi çuar 1200 tamponë gjatë këtij muaji, mos bëni politikë me sëmundjen Mjekët epidemiolog

TIRANË- Operatori i Shërbimit të Kujdesit Shëndetësor i është përgjigjur akuzave të Partisë Demokratike dhe ish-deputetit Luan Baçi se në qarkun e Fierit ka mungesë tamponësh. Në një reagim në rrjetet sociale, OSHKSH thotë se këto janë akuza të pabaza dhe se në një muaj në qarkun e Fierit janë dërguar 1200 tamponë.

PËRGJIGJIA E OSHKSH: 

Reagim për akuzat e pabaza të opozitës për situatën e tamponëve Operatori i Shërbimeve të Kujdesit Shëndetësor siguron qytetarët që ekipet e epidemiologëve janë në krye të detyrës në çdo cep të vendit dhe prej 8 muajsh po bëjnë një punë të palodhur për gjurmimin, hetimin, dhe testimin e rasteve të dyshuara.

Për më shumë bëhu pjesë e grupit më viral në Facebook, Dosja.al

Numri i testimeve është rritur në mënyrë progresive dhe sot është katërfishuar krahasuar me fillimin e epidemisë. Në përgjigjie të akuzave të pabaza të deputetëve të opozitës në Fier, sqarojmë se numri i tamponëve lidhet me hetimin epidemiologjik në terren i cili po ndiqet me përpikmëri dhe profesionalizëm të lartë nga ekipi i epidemiologëve të Njësisë Vendore të Kujdesit Shëndetësor Fier. Vetëm gjatë muajit të fundit në Fier janë marrë mbi 1200 tamponë, përherë duke u bazuar në hetimin dhe gjurmimin epidemiologjik në terren. Duke ftuar çdokënd që të mos bëjë politikë me sëmundjen dhe të mos dezinformojë opinionin publik, i sigurojmë qytetarët që njesitë vendore të kujdesit shëndetësor në të gjithë vendin janë në krye të detyrës 24/7 dhe po bëjnë maksimumin për shërbimin ndaj pacientëve. Ftojmë qytetarët që të lidhen menjëherë me mjekun e familjes kur kanë dyshime për prekjen nga virusi Sars Cov2 dhe të mos neglizhojnë ndjekjen e rregullt me mjekun e tyre.

(F.g/dosja.al)

Shto Koment