Aktualitet

Aksident i rëndë në Prrenjas, makina përplas për vdekje 24-vjeçarin (DETAJE)

Makina mësohet të ketë qenë me shpejtësi dhe përplasja ishte shumë e madhe, pasi i ka shkaktuar vdekjen në vend të riut.
Featured image of article: Aksident i rëndë në Prrenjas, makina përplas për vdekje 24-vjeçarin (DETAJE) Foto ilustruese
Përditësuar:

PRRENJAS- Një aksident i rëndë ka ndodhur sot pasdite në Prrenjas. Sipas informacioneve mësohet se një 24-vjeçar ka ndërruar jetë në një aksident. 

Burime nga vendi i ngjarjes bëjnë me dije se i riu ishte kalimtar i rastit kur një automjet ka dalë nga rruga dhe e ka përplasur. Makina mësohet të ketë qenë me shpejtësi dhe përplasja ishte shumë e madhe, pasi i ka shkaktuar vdekjen në vend të riut.

Policia ndodhet në vendin e ngjarjes dhe po punon për zbardhjen e shkaqeve të aksidentit. Po ashtu mësohet se shoferi që ka shkaktuar aksidentit është dërguar në Komisariat.

Për më shumë bëhu pjesë e grupit më viral në Facebook, Dosja.al

“Në aksin rrugor Prrënjas-Librazhd, shtetasi A.H., 28 vjeç,  banues në Prrënjes, duke drejtuar mjetin tip Audi ka aksidentuar këmbësorin shtetasin M.K., 25 vjeç,  banues në Prrenjas dhe për pasojë ka ndërruar jetë.

Drejtuesi i mjetit është larguar nga vendi i ngjarjes dhe pas venies në ndjekje nga Policia është kapur dhe shoqëruar në ambientet e Policisë për veprimet e mëtejshme. Grupi hetimor ndodhet në vendngjarje dhe po punon për zbardhjen e shkakut të aksidentit“, shkruan Policia.

(A.B. Dosja.al)

Shto Koment