Aktualitet

Vdes “Xubi” i Yzberishit/ Në luftë me bandën e Selitës, por jetën ia mori një aksident në lagje! Fatmir Avdillari vdiq në vend pasi u përplas nga dy mjete, plagoset dhe një grua

  • Fundi i një EPOKE/ S’e ‘ekzekutoi’ dot hasmi! Kush është ‘Xubi’ i Yzberishtit
  • FOTOT e papara brenda burgut, koha kur “Xubi i Yzberishit” ishte dedikuar si i “çmendur” pas palestrës
  • Subjekti i OFL-së, Fatmir Avdillari ka ndërruar jetë pas një aksidenti të ndodhur në bulevardin "Migjeni" në Tiranë. Në aksident janë përfshirë dy mjete dhe një motor, me të cilin udhëtonte 45-vjeçari, i cili ndërron jetë në vend. Po ashtu drejtuesja e njërit mjet, ka mbetur gjithashtu e plagosur dhe aktualisht ndodhet në QSUT. Policia ndodhet në vendngjarje dhe po bën hetimet e domosdoshme.
    Featured image of article: Vdes “Xubi” i Yzberishit/ Në luftë me bandën e Selitës, por jetën ia mori një aksident në lagje! Fatmir Avdillari vdiq në vend pasi u përplas nga dy mjete, plagoset dhe një grua "Xubi" i Yzberishtit

    TIRANË– Fatmir Avdillari, i njohur si “Xubi i Yzberishtit” ka humbur jetën si pasojë e një aksidenti të rëndë automobilistik. Ngjarja e rëndë ka ndodhur mesditën e sotme në Bulevardin e Ri “Migjeni” në zonën e Yzberishit, ku motori me të cilën qarkullonte Avdillari, është përplasur nga dy makina. 

    Avdillari, i cili drejtonte motorin, ka ndërruar jetë në vend për shkak të impaktit të marrë nga përplasja. Ndërsa po ashtu edhe drejtuesja e mjetit tip “Toyota” ka mbetur gjithashtu e lënduar nga aksidenti dhe është dërguar në spital për të marrë ndihmën e nevojshme mjekësore. 

    45-vjeçari, Fatmir Avdillari ka qenë një personazh i njohur për institucionet ligjzbatuese në vend, madje ishte subjekt i OFL-së. Fatmir Avdillari, është i njohur si një ndër anëtarët e bandës së Yzberishtit në vitet ’97-’98, ku bashkëanëtarë kanë qenë edhe dy vëllezërit e tij, Nazmiu dhe Iliri, ky i fundit i cili identifikohet si “kapoja”.

    Për më shumë bëhu pjesë e grupit më viral në Facebook, Dosja.al

    Fatmir Avdillari së bashku me vëllanë Ilirin, por edhe persona të tjerë kanë qenë të njohur si anëtarë të bandës së Yzberishtit në vitet ’97-’98, të akuzuar për shumë vepra penale, mes të tjerash edhe vrasje. Fatmir Avdillari ka qenë dënuar me 12 vjet burg, ndërsa doli nga qelia në 2008.

    Një vit pasi doli ai ekzekutoi Ardian Tahirin në 11 prill 2009. Në atë kohë ‘Xubi’ pranoi në gjykatë krimin dhe deklaroi se Tahirin e kishte ndjekur prej një jave, pasi dyshonte që i kishte vrarë vëllanë. Por saga e tij me drejtësinë nuk përfundoi këtu, pasi pas daljes nga burgu, në 2017 “Xubi” u akuzua për trafik droge. Ndërkohë grupi hetimor dhe policia ndodhet në vendin e ngjarjes dhe po hetojnë për shkaqet e aksidentit të rëndë.

    (k.m/f.m/Dosja.al)

    • 19:00

      Atë që nuk ia bëri hasmi, ia bëri “fati”! Përfundoi metra larg motorit blu, ç’mbeti pas aksidentit të “Xubit”, zjarrfikësja lan me ujë asfaltin

      Atë që nuk e bëri banda e Selitës, e bëri rastësia! Fatmir Avdillari, i njohur si Xubi i Yzberishit, ka ndërruar jetë pasditen e sotme, pikërisht në lagjen e tij pasi është përfshirë në një aksident të trefishtë.

      Teksa po lëvizte në lagje me motorin e tij, ai është përplasur nga një mjet tip “Toyota”, drejtuesja e të cilit ka përfunduar gjithashtu në spital. Mirëpo të njëjtin fat nuk e kishte 45-vjeçari, i cili ndërroi jetë në vend, vetëm pak metra pranë motorit të tij ngjyrë blu. Gjithë çfarë la pas ishte gjaku në asfaltin e bulevardit “Migjeni”, i cili u pastrua nga forcat zjarrfikësve.

    • 16:41

      Doreza në duar dhe brez për pesha të rënda! FOTOT e papara brenda burgut, koha kur “Xubi i Yzberishit” ishte dedikuar si i “çmendur” pas palestrës. Ekspozonte trupin gjithë muskujt

      Nuk e mundi lufta me bandën e Selitës, por një aksident i trefishtë pikërisht në lagjen e tij, në zonën e Yzberishit në Tiranë. Dosja.al ka siguruar fotot të Fatmir Avdillari, i njohur “Xubi i Yzberishit”, i cili ka ndërruar jetë pasditen e sotme.

      Fotot e mëposhtme janë shkrepur teksa 45-vjeçari ishte brenda qelisë së burgut, ku edhe i ishte dedikuar plotësisht palestrës. Shkrepjet brenda qelisë, tregojnë qartë trupin me muskujt të 45-vjeçarit, ndërsa në duar nuk i mungojnë dorezat dhe në mes, brezi për ngritje peshash të rënda. Pamjet mendohet se janë shkrepur gjatë kohës kur “Xubi” vuante dënimin për ekzekutimin e Ardian Tahirin në 11 prill 2009, ngjarje për të cilën u lirua në vitin 2017.

    • 15:30

      Aksidenti i trefishtë/ Familjarët e Xubit të Yzberishtit mbërrijnë në vendngjarje, lot dhe ulërima në rrugë

      Xubi i Yzberishtit ka ndërruar jetë pak orë më parë teksa po lëvizte me motorin e tij. Ai u përplas me një mjet në zonën e Yzberishtit, teksa po lëvizte me motor. Në videon e publikuar nga ‘JOQ’ shihet që në vendngjarje kanë mbërritur familjarët. Në video dëgjohen të qarat dhe të bërtiturat e familjarëve, të cilët po vajtojnë për ndarjen nga jeta të personit që ndërroi jetë.

    • 15:25

      I mori jetën një aksidenti i trefishtë! Vdes ‘Xubi’ i Yzberishtit, i akuzuar për disa vrasje të bujshme në Tiranë

      Fatmir Avdillari ka humbur jetën si pasojë e një aksidenti të rëndë automobilistik pasditen e sotme në zonën e Yzberishit në Tiranë. Fatmir Avdillari, është i njohur si një ndër anëtarët e bandës së Yzberishtit në vitet ’97-’98, ku bashkëanëtarë kanë qenë edhe dy vëllezërit e tij, Nazmiu dhe Iliri, ky i fundit i cili identifikohet si “kapoja”. “Xubi” ka qenë dënuar me 12 vjet burg, ndërsa doli nga qelia në 2008.

    • 15:30

      Njoftimi i policisë Tiranë

      Njoftimi i policisë Tiranë

      Me datë 11.05.2021, rreth orës 14:15, tek bulevardi “Migjeni”, janë përfshirë në aksident mjeti tip “Toyota” me drejtuese shtetasen E. M., 38 vjeçe me mjetin tip “Opel” me drejtues L. P., 40 vjeç dhe me mjetin motorr me drejtues F. A. Si pasojë e aksidentit ka ndërruar jetë në vendngjarje drejtuesi i mjetit motorr shtetasi F.A., rreth 45 vjeç, si dhe është dërguar në spital drejtuesja e mjetit E. M., dhe ndodhet nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të ngjarjes.

    Shto Koment