Aktualitet

Ekzekutohet 28-vjeçari në Tiranë, autorët e thirrën në emër dhe e vranë sapo doli nga lokali, viktima i akuzuar për drogë (VD+FOTO)

  • I dëbuar nga Franca dhe i arrestuar për drogë, e shkuara e errët të të riut që u vra
  • FOTO/ Veshur me xhinse dhe bluzë të zezë, publikohet fotoja e viktimës
  • Ndërtohet identiki i autorit, flasin dëshmitarët: Një person i gjatë e thirri në emër
  • Viktimën e thirrën në emër dhe i zbrazën plumbat në trup
  • Vritet me armë zjarri Vilson Tafçiu Ndoka. 28-vjeçari u ekzekutua në Astir në Tiranë, pasi doli nga lokali. I riu u qëllua nga persona të paidentifikuar, nga një automjet i llojit “Golf 6”. Viktima me preçedentë penalë.
    Featured image of article: Ekzekutohet 28-vjeçari në Tiranë, autorët e thirrën në emër dhe e vranë sapo doli nga lokali, viktima i akuzuar për drogë (VD+FOTO) Pamje nga vendi i ngjarjes
    Përditësuar:

    TIRANËVilson Tafçiu Ndoka, 28 vjeç është ekzekutuar me armë zjarri mbrëmjen e sotme në rrugën “Teodor Keko”, në zonën e njohur si “Astiri” në kryeqytet. Dosja.al ka mësuar se 28-vjeçari ishte ulur në një nga lokalet më të frekuentuara të zonës, nën shoqërinë e dy vajzave, në momentin që është thirrur nga jashtë nga disa persona, në orën 20:45.

    Sapo Vilsoni ka kaluar pragun e lokalit është qëlluar me tre plumba në gjoks nga personat që e thirrën, duke mbetur i vdekur në vend. Menjëherë pas krimit, autorët, ende të paidentifikuar janë larguar nga vendi i ngjarjes me një automjet të llojit “Golf 6”, me ngjyrë të zezë. Kamerat e sigurisë të lokaleve rreth zonës, të cilat aktualisht janë sekuestruar nga policia, kanë fokusuar atentatorët në momentin e largimit.

    Ndërsa dëshmitarët kanë treguar se personi që e ka qëlluar ishte i pamaskuar, i gjatë dhe me mjekër. Policia ka ngritur pika kontrolli në shumë akse rrugore dhe është në kërkim të personave që i morën jetën 28-vjeçarit.

    Por kush është Vilson Tafçiu Ndoka

    Për më shumë bëhu pjesë e grupit më viral në Facebook, Dosja.al

    28-vjeçari që përdorte dy mbiemra ishte me origjinë nga Dibra. Ai kishte jetuar më parë në Belgjikë dhe në Francë, nga ku ishte deportuar një vit më parë. Ndoka ishte larguar nga Shqipëria në drejtim të Francës në muajin mars të vitit 2018, ku dhe ishte arrestuar për shpërndarje të lëndëve narkotike. 28-vjeçari ishte dënuar me 1 vit burg, por kishte qëndruar vetëm 8 muaj në paraburgim, e më pas ishte deportuar drejt Shqipërisë.

    Vilson Tafçiu Ndoka kishte ardhur në Tiranë për të varrosur gjyshen e tij, e cila kishte ndërruar jetë para pak ditësh, por pa e ditur që do të udhëtonte edhe vetë drejt banesës së fundit. Ai ishte zhvendosur me banimInstitut kohët e fundit. Pista e parë ku po hetohet është pikërisht e kaluara e viktimës dhe prishja e pazareve të drogës, në të cilin ai ishte përfshirë.

    (a.b/f.m/dosja.al)

    • 23:26

      I futën tre plumba në gjoks dhe u larguan me mjetin e zi, kamerat e sigurisë fokusuan atentatorët e 28-vjeçarit në Astir

      Trupi i viktimës në vendin e ngjarjes

      Personat të cilët ekzekutuan me tre plumba në gjoks 28-vjeçarin e identifikuar si Vilson Tafçiu Ndoka, janë fokusuar nga kamerat e sigurisë. Dosja.al ka mësuar se autorët janë larguar me një automjet me ngjyrë të zezë të llojit “Golf 6”, menjëherë pasi kanë kryer vrasjen e 28-vjeçarit. Ata kanë qenë të pamaskuar dhe njëri prej tyre është përshkruar nga dëshmitarët si një djalë i gjatë dhe me mjekër.

    • 23:04

      Erdhi të varroste gjyshen, lajm i hidhur që e solli të riun në Tiranë, s’e dinte që e priste vdekja

      Pamje nga vendi i ngjajres

      Dosja.al ka zbardhur detaje të reja nga vrasja e ndodhur mbrëmjen e sotme në zonën e Astirit në kryeqytet. Mësohet se viktima, Vilson Tafçiu Ndoka kishte ardhur në Tiranë për të varrosur gjyshen e tij, e cila kishte ndërruar jetë para pak ditësh, por pa e ditur që do të udhëtonte edhe vetë drejt banesës së fundit.

    • 22:28

      Veshur me xhinse dhe bluzë të zezë, publikohet fotoja e viktimës në momentin e ekzekutimit, Vilsoni gjysmë i shtrirë në tokë

      Personi që shikoni në foto, i rrethuar me të kuqe është Vilson Tafçiu Ndoka, 28-vjeçari që u ekzekutua me armë zjarri, mbrëmjen e sotme në zonën e Astirit. Dosja.al ka siguruar pamje nga vendngjarja që tregojnë viktimën, pak momente pas ekzekutimit.

      Viktima Vilson Tafciu Ndoka

      Siç e shikoni, i veshur me xhinse dhe një bluzë të zezë, Vilson Tafçiu Ndoka qëndron i shtrirë buzë lokalit ku dhe u ekzekutua me armë zjarri. Zona përqark është rrethuar nga forca të shumta policie që po inspektojnë zonën e krimit.

    • 22:27

      Ndërtohet identikiti i autorit, flasin dëshmitarët që panë krimin: Një person i thirri në emër dhe e qëlloi për vdekje

      Vrasja e rëndë që ndodhi sot në Tiranë, u pa nga shumë persona. Krimi ndodhi në një zonë shumë të populluar, në Astir, në lokalin me emrin “Artisti”.  Policia pas krimit ka shkuar në vendin e ngjarjes dhe ka rrethuar zonën ku u qëlluar Vilson Tafçiu.

      Pamje nga vendngjarja

      Po ashtu janë shoqëruar disa perosna që kanë parë ngjarjen nga afër dhe kanë treguar se si ka ndodhur i gjithë krimi. Mësohet se dëshmitarët kanë deklaruar se një person i gjatë e ka thirrur viktimën në emër dhe e ka nxjerr jashtë lokalit. Pasi Tafçiu ka dalë nga lokali është qëlluar nga një makinë me disa plumba në pjesën e gjoksi duke e lënë të vdekur në vend.

    • 22:10

      I dëbuar nga Franca dhe i arrestuar për drogë, Klodiana Lala zbardh të shkuarën e errët të të riut që u vra në Astir, pistat e para

      Gazetarja Klodiana Lala ka zbardhur detaje rreth të shkuarës së 28-vjeçarit që u ekzekutua mbrëmjen e sotme në një lokal në zonën e Astirit. Sipas Lalës, Vilson Tafçiu Ndokaj është akuzuar pak vite më parë për trafikun e 200 kg kanabis. Gazetarja shton gjithashtu se i riu është dëbuar nga shteti i Francës për shkak të rpoblemeve që ka pasur me ligjin.

      Sipas Lalës, bazuar në të shkuarën e të riut me dy mbiemra, një nga pistat ku po heton policia është prishja e pazareve të drogës.

    • 21:54

      Detaje të reja nga vrasja e Astirit, viktima përdorte dy mbiemra

      Dosja.al ka mësuar detaje të reja nga vrasja e ndodhur sot në Tiranë. Sipas informacioneve mësohet se viktima kishte dy mbiemra.

      Pamje nga vendi i ngjajres

      Në një njoftim Policia bën me dije se viktima është Vilson Tafciu, por Dosja.al mëson se ai përdorte dhe mbiemrin tjetër Ndoka.

    • 21:38

      Zbulohet dinamika e vrasjes në Astir, viktimën e thirrën në emër dhe i zbrazën plumbat në trup. Autorët qëlluan nga “Golf 6”

      Detaje të reja janë mësuar nga vrasja e ndodhur në zonën e Astirit në Tiranë. Mësohet se një person 28 vjeç, i identifikuar si Vilson Tafçiu ka mbetuer i vdekur pasi është qëlluar disa herë me armë.

      Vendi i krimit

      Dosja.al ka mësuar dhe dinamikën e ngjarjes dhe sipas dëshmitarëve mësohet se autoprët e kanë qëlluar nga një makinë. Ka qenë një vetutë, tip ‘Golf 6’ dhe kanë shkuar pranë lokalit ku ishte viktima dhe e kanë thirrur në emër.

      Tafciu pasi ka dëgjaur që e kanë thirrur është çuar nga tavolina, ka dalë jashtë dhe aty ka gjetur vdekjen pasi është përballur me breshërinë e plumbave. Viktima para se të vrtiej ka qenë i shoqëruar me dy femra në tavolinë.

    • 21:28

      Zbulohet identiteti i të riut që u ekzekutua në Tiranë (EMRI)

      Pamje nga vendi i ngjarjes

      Dosja.al ka mësuar emrin e të riut që u ekzekutua sot në Tiranë tek Astrit. Sipas burimeve të Dosja.al mësohet se vitkima është  Vilson Tafciu, 28 vjeç.

      Ndërkohë mësohet se Policia ka shkuar në vendin e ngjarjes dhe po punon për mbledhjen e provave që mund të çojë në zbardhjen e ngjarjes.

    • 21:24

      Vrasja tek “Unaza e re”, Policia: Viktima është një 28-vjeçar, po kërkojmë autorin

      Pamje nga vendi i ngjarjes

      Një person ka mbetur i vdekur sot në Tiranë, pasi është qëlluar me armë zjarri. Policia në një njoftim për mediat ka bërë me dije se viktima është një 28-vjeçar, i identifikuar si Vilson Tafciu. Më tej shtohet se pas vrasjes kanë shkuar shërbimet e Policisë, të cilat kanë  bërë rrethimin e  zonës në një perimetër të gjerë.

      “Rreth orës 20.45, në Astir, në një rrugicë, në afërsi të një lokali, në rrethana ende të paqarta është plagosur me armë zjarri shtetasi V.T, rreth 28 vjeç, i cili më pas ka gjetur vdekjen.  Menjëherë në vendngjarje kanë shkuar shërbimet e Policisë, të cilat kanë  bërë rrethimin e  zonës në një perimetër të gjerë.

      Janë ngritur pika kontrolli në të gjitha akset rrugore si dhe vijon puna  nga grupi hetimor  për sqarimin e rrethanave të ngjarjes, grumbullimin dhe fiksimin e çdo prove që do çojë në zbardhjen e ngjarjes, identifikimin dhe arrestimin e autorëve”, shkruan Policia.

    Shto Koment