Politike

Kuvendi nis shqyrtimin e kërkesës për ndryshim sistemi, Hajdari: Jam e lumtur, sot është ditë historike.

Hajdari para gazetarëve tha se është e lumtur, pasi kërkesa e opozitës parlamentare dhe qytetarëve për ndryshim sistemi po bëhet realitet.
Featured image of article: Kuvendi nis shqyrtimin e kërkesës për ndryshim sistemi, Hajdari: Jam e lumtur, sot është ditë historike. Rudina Hajdari, deputete

TIRANË- Nuk iu dha fjala gjatë mbledhjes së Këshillit të Legjislacionit, por deputetja Rudina Hajdari ka treguar qëndrimin e saj në një konferencë me mediat. Hajdari para gazetarëve tha se është e lumtur, pasi kërkesa e opozitës parlamentare dhe qytetarëve për ndryshim sistemi po bëhet realitet. Për deputeten, sot është një ditë historike pasi po rishikohet Kushtetuta për një çështje të rëndësishme, ajo e ndryshimit të sistemit zgjedhor.

Kjo çështje ka një mbështetje shumë të gjerë për t’i rikthyer parlamentit sovranitetin e duhur. Do të ndjekim çdo rrugë institucionale dhe ligjore për ta çuar këtë betejë deri në fund. Bashkë me kolegët e opozitës parlamentare jemi duke diskutuar me anëtarët e Komisionit të Ligjeve dhe Këshillin e Legjislacionit për të diskutuar ndryshimin e sistemit dhe hapjen e listave. Në zgjedhjet e ardhshme duhet të shkojmë me lista të hapura. Ka ardhur koha të shtyjmë mazhorancën të plotësojë këtë kërkesë të opozitës parlamentare dhe shoqërisë civile.

Për mua kjo kërkesë mori udhën e duhur duke e negociuar për pikat pasi jo në çdo pikë jemi dakord si grup demokrat, por e rëndësishme është përfshirja e ndryshimit të sistemit zgjedhor. E gjithë kjo është një proces dhe jo një gjë e kollajshme dhe për mua është e rëndësishme që të gjithë dhe ekspertët të japin opinionin e tyre. Do të jem pjesë e procesit, por e rëndësishme është që ja arritëm kësaj ditë dhe rishikimi i Kushtetutës është një moment historik për vendin, pasi këtë herë po bëhet për një gjë thelbësore për reformën zgjedhore dhe për këtë duhet të jemi të gjithë të gëzuar”, tha ndër të tjera ligjvënësja.

Për më shumë bëhu pjesë e grupit më viral në Facebook, Dosja.al

Kuvendi ka nisur sot shqyrtimin e kërkesës së opozitës së re për ndryshimin e sistemit. Deputetët e opozitës kanë treguar edhe njëherë herë qëllimin e kësaj nisme, duke thënë se me hapjen e listave dhe ndryshimin e sistemit do të ketë një garë reale. Ruçi ka thënë se në 30 korrik propozimi do të kalojë në seancë plenare për tu votuar.

(A.B. Dosja.al)

Një Koment në “Kuvendi nis shqyrtimin e kërkesës për ndryshim sistemi, Hajdari: Jam e lumtur, sot është ditë historike.

  1. Ti lumturohu sa te duash se njeri ty voten nuk ta jep.Nuk besoj se lufton kaq shume per popullin.Do jesh si nena jote.Keshtu qe nuk te besoj

Shto Koment