Editorial

Kush po e shkatërron policinë?

FNSH mire boll po shfrytëzohet per ç'të mundet, sikurse edhe forcave te rendit qe shikon nga qielli se mos ndonjëri ndërron pllakat e banjës pa leje apo vendos çadër pa leje; të shpresojmë se një dite me këto fushata policore për të cilat asnjë drejtues nuk reagon do ta thërrasim policinë t’na hekurosë rrobat.
Featured image of article: Kush po e shkatërron policinë?

Ideja dhe premtimi per te ngritur nje njesi super speciale qe do te arrestoje te fortet e rrugeve dhe lagjeve me gezoi tej mase. Mendova “hajt per hajer”. Por thashe me vete po bej nja dy kerkime. Fillimisht ne google del ligji shqiptar per forcat speciale / RENEA dhe te nderhyrjes se shpejte, te cilat ekzistojne, por qe nje pjese e tyre jane katandisur prej vitesh nga nje shfytezim i tille qe nga ngritja e makinetave vite me pare e deri tek ngritja ne krah e cadrave te plazhit .

FNSH mire boll po shfytezohet per cte mundet, sikurse edhe forcave te rendit qe shikon nga qielli se mos ndonjeri nderron pllakat e banjes pa leje apo vendos cader pa leje; te shpresojme se nje dite me keto fushata policore per te cilat asnje drejtues nuk reagon do ta therrasim policine t’na hekurose rrobat. Rrofte policia qe duam . Po le te merremi me repartin RENEA dhe kompetencat qe ligji ja ka dhene dhe qe jo me kot konsiderohet si struktura me elitare per kapjen e te forteve. Forcat speciale qe ekzistojne prej vitesh ligji na thote se kryejne keto detyra:
1. kryejne operacione te shkalles se larte te veshtiresise per arrestimin e individeve dhe grupeve kriminale
2.kryejne operacione per shoqerimin e personave shume te rrezikshem.
3 kryejne operacione per shpetimin e pengjeve… e te tjera
Pa as me te voglin dyshim jam pro kapjes se te forteve te cdo lloji persa kohe ata shkelin ligji. Pra, jam pro edhe per super specialet. Por perse kjo strukture kur policia ka forca speciale dhe reparte elitare; kemi agjente krimesh , drejtori te hetimit te krimeve te renda, grupe operacionale speciale, agjente te infilturuar. A eshte kryer ndonje studim i mirfillte qe te analizoje shkaqet apo te lere te nenkuptohet se keto reparte kane deshtuar? A ka nje propozim te tille ne leter nga Drejtoria e Pergjithshme e Policise ? Ne varesi te cilit departament do jete kjo njesi super speciale ? Sa esht numri i tyre, cfare aftesish ndryshe kane nga RENEA dhe nga FNSH dhe cdo polic qe ben pjese ne organizaten e policise?
Ajo qe dihet jo zyrtarisht eshte se pak dite me pare gati 40 ish ushtarake u trajnuan dhe u certifikuan nga RENEA si te afte per te arrestuar te fortet e lagjeve. Ata kane kaluar tashme ne pritje te “urdherit ” ne Policine Shtetit. Por a nuk duhet qe te kujtojme se vite me pare u moren ushtare dhe u sterviten per te qene pjese e RENEAS , por qe u deshtua me sukses. Ku jane strateget e policise pse heshtin? Pse nuk tregojne qe kjo formule nuk eci. A nuk duhet te mbahet parasysh se qysh ne pergatitjen fillestare te nje ushtraku dhe nje polici ka disa ndryshime
1. Komando pergatitet per te vrare
2. Polici pergatitet per te parandaluar
1. komando nuk eshte trupe qe komunikon me qytetarin
2 . Polici ndervepron me qytetarin
1. komando stervitet me automatik
2. polici arme te tijen ka pistoleten
Dhe shume te tjera.
Suksese specialeve te rinj. Uroj qe ndonjerit prej jush mos ti ndodhe qe te numeroje monedhat ne banke per te plotesuar kestin e kredise , perpara se te niset ne ndonje operacion te rrezikshem. Uroj qe kur te mbushni moshen 55 vjec mos te dale ndonje akt nen ligjor se ju duhet te dilni ne pension te parakohshem , sic po propozohet per policet aktuale. Por mbi te gjitha , ruani jeten ! EKSPERIMENTET do vazhdojne qe NGA dita e pare qe vishni uniformen e policit. QOFSHIN PA DEME

Shto Koment