Bota

FOTOT/ Kush ishte ambasadori italian dhe karabinieri që u vranë gjatë një tentative për rrëmbim në Kongo?

Luca Attanasio vetëm 43 vjeç, ishte një nga ambasadorët më të rinj të Italisë në botë.
Featured image of article: FOTOT/ Kush ishte ambasadori italian dhe karabinieri që u vranë gjatë një tentative për rrëmbim në Kongo? Luca Attanasio dhe Vittorio Iacovacci

Ambasadroi italian, Luca Attanasio gjatë një tentative për rrëmbim u vra ditën e djeshme në Kongo së bashku më shoferin e tij.

Po kush ishte karriera e Luca Attanasio?

Luca Attanasio vetëm 43 vjeç, ishte një nga ambasadorët më të rinj të Italisë në botë. Në vitin 2003 Luca e filloi karrierën e tij diplomartike në Drejtorinë e Përgjithshme për Afrikën. Më pas në vitin 2006-2010 Luca ishte shefi i Zyrës Ekonomike dhe Tregtare në Ambasadën e Italisë në Bern, ndërsa më pas deri në vitin 2013 ishte konsulli i përgjithshëm në Marok. Në vitin 2015 u vendos si këshilltari i parë në ambasadën italiane në Nigeri, dhe në vitin 2017 u vendos si shefi i misionit në Kongo

Familja e tij dhe arritjet

Attanasio ishte i martuar dhe kishte 3 fëmijë të vegjël. Që nga viti 2017 Luca së bashku me familjen e tij jetonte në Kongo. Attanasio në vitin 2010 mori Çmimin Ndërkombëtar të Paqes ‘Nassiriya për paqen’, për kontributin që ka dhënë për realizimin e projekteve të rëndësishme humanitare.

Për më shumë bëhu pjesë e grupit më viral në Facebook, Dosja.al

“Ai i ambasadorit është një mision, ndonjëherë edhe i rrezikshëm, por ne kemi për detyrë të udhëheqim me shembull. Roli ynë, roli i ambasadës, është të jemi afër italianëve, kryesisht misionarë dhe disa njerëz laikë, të cilët të gjithë jetojnë së bashku duke ndarë fatin e banorëve kongolezë. Gruaja ime dhe unë jetojmë në Kongo me të gjithë familjen, tre fëmijë të vegjël. Dikush është i befasuar nga kjo zgjedhje, veçanërisht për rreziqet që përfshin, por është detyra jonë të udhëheqim me shembull,” ka thënë Attanasio.

Karabinieri i vrarë

Vittorio Iacovacci është karabineri i vrarë ditën e djeshme gjatë sulmit në Kongo. Ai ishte vetëm 30 vjeç  dhe ishte nga provinca e Latinës. 30-vjeçari ishte i fejuar dhe këtë verë do të kthehej në Itali për të kurorëzuar dashurinë e tij më të fejuarën.

(I.A/dosja.al)

Shto Koment