Politike

Kush është Artur Bushi, si u afrua me Ramën dhe si e fitoi garën me Rrahman Rrajën

Lidhjet e ngushta me Edi Ramën e bënë që në 2011 të bëhet kryetar I Komunës Thumanë dhe në 2013 të hyjë në listën e deputetëve të Durrësit në 2013
Featured image of article: Kush është Artur Bushi, si u afrua me Ramën dhe si e fitoi garën me Rrahman Rrajën Edi Rama dhe Artur Bushi

TIRANË- Artur Bushi është kryetar i Bashkisë Krujë prej gushtit të 2015. Lindi ne Thumanë më 17 janar 1975. Pas përfundimit të shkollës së mesme në gjimnazin “Arif Ali Sula” në Mamurras, ku spikati si nxënës i dalluar dhe me ambicie, merr rrugët e emigracionit. Pas disa vitesh kthehet në Shqipëri, me një barrë akuzash që vinin nga Italia, por që në Shqipëri nuk u hetuan kurrë.

Me një plan të qartë për të ardhmen u diplomua për Histori në Universitetin e Tiranës, ndërkohë që iu afrua politikës. Lidhjet e ngushta me Edi Ramën e bënë që në 2011 të bëhet kryetar I Komunës Thumanë dhe në 2013 të hyjë në listën e deputetëve të Durrësit në 2013. Qëndroi vetëm 2 vjet në parlament, pasi, në mesin e debatit për dekriminalizimin, u shkëput për të kandiduar në zgjedhjet vendore.

Ishte menduar për Rrahman Rrajën, vendi i kryetarit të Bashkisë së Krujës, por ishte zgjidhja e Ramës, që të shkonte Bushi dhe Rraja ta fillonte integrimin në PS, si nënkryetar bashkie.

Kështu u bë, pas 2 vjetësh si nënkryetar, Rraja u bë deputet, por asnjëherë nuk hoqi dorë nga ambicia për Bashkinë. Gjithçka po shkonte mirë deri kur rasti “Xhisiela”, i prishi të gjitha, për fatin e mirë të Bushit. Rikonfirmimi i Bushit, është kështu edhe meritë e Emiljano Nuhut, oficerit të policisë që denoncoi familjen Rraja.

(Dosja.al)

Shto Koment