Rajoni

Kurti takon Zaevin në Shkup: Biseduam për situatën politike në dy vendet tona

Ka qenë vet kryeminsitri i zgjedhur i Kosovës ai që ka bërë publik këtë takim me anë të një postimi në Facebook, ku shkruan se kanë biseduar për situatën politike në dy vendet dhe për çështjet e integrimit evropian.
Featured image of article: Kurti takon Zaevin në Shkup: Biseduam për situatën politike në dy vendet tona Albin Kurti dhe Zoran Zaev

KOSOVË- Kryetari i Lëvizjes Vetëvendosje, Albin Kurti ka zhvilluar një takim me kryeministrin e Maqedonisë së Veriut Zoran Zaev në Shkup. Albin Kurti në këtë takim ka qenë i shoqëruar me anëtarët e kryesisë së Vetëvendosjes, Fitore Pacolli dhe Liburn Aliu.

Ka qenë vet kryeminsitri i zgjedhur i Kosovës ai që ka bërë publik këtë takim me anë të një postimi në Facebook, ku shkruan se kanë biseduar për situatën politike në dy vendet dhe për çështjet e integrimit evropian.

Sot në Shkup takova kryeministrin e Maqedonisë së Veriut, z. Zoran Zaev, me bashkëpunëtorët e tij. I shoqëruar nga anëtarët e kryesisë, znj. Fitore Pacolli-Dalipi dhe z. Liburn Aliu, biseduam për situatën politike në dy vendet tona, mundësitë e bashkërendimit të ndërsjelltë, raportet midis shteteve në Ballkan dhe çështjet e integrimit evropian”, ka shkruar Kurti.

Kurti që pas fitores në zgjedhje ka nisur seri takimesh me lider vednas dhe të huaj. Një prej takimeve të kurti ka qenë dhe me Edi Ramën në Tiranë. Po ashtu në Tiranë ka zhilluar dhe takime me figura të rëndësishme politike.

(A.B. Dosja.al)

(A.B. Dosja.al)

Shto Koment