Rajoni

Kurti: Gjykata nuk duhet të pranojë që Presidenti të shkruajë Kushtetutën, Thaçi po bën opozitë

Kurti u shpreh se Kushtetuesja duhet ti përmbahet misionit të saj për të interpretuar dhe jo për ta shkruar atë.
Featured image of article: Kurti: Gjykata nuk duhet të pranojë që Presidenti të shkruajë Kushtetutën, Thaçi po bën opozitë Albin Kurti, Kryeministër i Kosovës

TIRANË- Kryeministri në detyrë i Kosovës, Albin Kurti, ka folur sërish sot në lidhje me ngërçin me Gjykatën Kushtetuese për qeverinë e re. Kurti në një intervistë për RTV Ora, u shpreh se Kushtetuesja duhet ti përmbahet misionit të saj për të interpretuar dhe jo për ta shkruar atë. Sipas Kurtit, Thaçi po i bën kryeministrit të Kosovës më shumë opozitë se vetë opozita.

Dua të besoj që Gjykata Kushtetuese do ti përmbahet misionit të saj për të interpretuar Kushtetutën dhe jo për ta shkruar atë. Tani kemi tendencën e Presidentit të Kosovës ta bëjë amandamentin e Kushtetutës dhe këtë gjë nuk duhet ta pranojë kurrsesi Gjykata Kushtetuese.

Për më shumë bëhu pjesë e grupit më viral në Facebook, Dosja.al

Nuk është në pyetje thjesht kjo qeveri, është në pyetje çdo qeveri e ardhshme, është në pyetje rendi republikan dhe demokratik, logjika kushtetuese. Presidenti i Republikës nuk mund të shkruajë Kushtetutën, e respekton dhe e zbaton atë sikurse Kryeministri, sikurse edhe Gjykata Kushtetuese. Ndonëse Gjykata Kushtetuese mund ta interpretojë Kushtetutën, sërish as ajo nuk mund ta shkruajë atë”, u shpreh Kurti.

(A.B. Dosja.al)

Shto Koment