Sport

Kur “shqiponja” triumfon ndaj nacionalizmit grek! Prishën marrëveshjen, futbollisti i Tiranës fiton 150 mijë € nga klubi helen

Një prapaskenë interesante daton 3 vjet më parë, kur mesfushori kishte firmosur me AEL Larissën në Super League-n greke, por ishin këta të fundit që prishën marrëveshjen për shkak se lojtari kishte bërë simbolin e shqiponjës
Featured image of article: Kur “shqiponja” triumfon ndaj nacionalizmit grek! Prishën marrëveshjen, futbollisti i Tiranës fiton 150 mijë € nga klubi helen Idriz Batha

GREQI– Idriz Batha, aktualisht një nga lojtarët më të mirë të Tiranës dhe të kampionatit shqiptar, nuk mundi dot të bënte kapërcimin në kualitet, në ndonjë kampionat të huaj. Një prapaskenë interesante daton 3 vjet më parë, kur mesfushori kishte firmosur me AEL Larissën në Super League-n greke, por ishin këta të fundit që prishën marrëveshjen për shkak se lojtari kishte bërë simbolin e shqiponjës.

Vassilis Vanis, drejtor sportiv i Larissa në atë kohë, kishte zhvilluar një bisedë me mesazhe me agjentin e Bathës dhe i kishte shpjeguar gjithçka. Pas kësaj, agjenti i mesfushorit të Tiranës e hodhi në gjyq klubin dhe mësohet se së fundmi procesi ka mbaruar.

Për më shumë bëhu pjesë e grupit më viral në Facebook, Dosja.al

Bathës i është dhënë e drejta dhe ka arritur ta fitojë gjyqin për shkak se ai kishte firmosur kontratë për 3 vite me klubin grek për një pagë prej 250 mijë eurosh. Drejtori teknik, Vassilis Vanis dhe ish-CEO i klubit, Sotiris Markou e anuluan kontratën e Bathës, pa dijeninë se ajo ishte përfundimtare dhe njihej nga FIFA.

 E.Ç (Dosja.al)

Etiketa:

Shto Koment