Politike

Mbrojtja Civile, Rama prezanton Reformën: Qytetarët të mos hapin gropa, tani jemi në tjetër nivel

  • Xhaçka: Do parandalojmë fatkeqësitë natyrore që prekin Shqipërinë
  • Kryeministri Edi Rama ka prezantuar sot Reformën për Mbrojtjen Civile. Rama tha se do të krijohet një Agjenci Kombëtare, e cila do të marrë masa parandaluese për rastet e fatkeqësive.

    TIRANË– Kryeministri Edi Rama prezantoi sot Reformën e re ligjore, pjesë e strukturave të mbrojtjes Civile për të qenë sa më pranë komuniteteve në raste fatkeqësish natyrore. Teksa mbajti fjalën e tij, Rama theksoi se është kjo reformë është hartuar në kushte improvizimi por që për shkak të vullnetit të madh ka pasur rezultate mjaft të kënaqshme.

    Kryeministri theksoi më tej se Mbrotjtja Civile ka arritur në një tjetër nivel dhe sot jo vetëm që u vjen në ndihmë qytetarëve në raste fatkeqësish natyrore, por që ka marrë edhe masa parandaluese. Në fund, Rama falenderoi të gjithë trupat e Mbrojtjes Civile duke vënë në dukje se edhe pse nuk i shohim në jetë e përditshme janë ata që u dalin në mbrojtje komunitetit duke rrezikuar edhe jetën e tyre.

    Pjesë nga fjala e kryeministrit Edi Rama

    Që nga momenti i parë i transferimit edhe pse me një bazë ligjore të pamjaftueshme, edhe pse në kushte më shumë improvizimi dhe vulneti të madh se sa logjistike dhe mundësisht të mjaftueshme kemi pasur rezultate të kënaqshme. Kjo falë trupave të angazhuar në momente dramatike, drejtuesve të tyre dhe të gjithë elementëve përbërës në këto momente të vështira. Ministria e Mbrojtjes ka qenë e vëmendshme me një strategji për të adresuar parandalimin.

    Mbrojtja Civile ka kaluar në një tjetër nivel dhe sot mund të themi me plot gojën që kemi hartuar një bazë të re ligjore. Kemi një trashëgimi shumë të rëndë që nuk mund të adresohet dot menjëherë. Kemi një zinxhir të mirëpërcaktuar të roleve dhe kemi po ashtu edhe një bazë për atë që thashë për përditshmërinë. Planet Civile tashmë do të jenë të detyrueshme edhe për institucionet edhe për shëndetësinë dhe kjo do të jetë më sanksione të qarta për çdo insitutcion apo për çdo subject privat ashtu siç përcaktohet në ligje.

    Nuk mundemi dot që në përditshmëri t’i hapim gropën vetes dhe kur të jemi keq t’i kërkojmë shtetit të na nxjerrë nga gropa. Nuk mund të prishimin kanalin e ujërave të zeza për të ngritur palma në një lokal dasmash dhe pastaj të ankohemi pse shtetit na prishi dasmën. Kemi raste të tilla plot. Agjencia Kombëtare e Mbrojtjes Civile që krijohet nga një model i mirëcaktuar do të jetë në varësi të ministrit dhe do të përgjigjet në radhë të parë për zvogëlimin e riskut.

    Për më shumë bëhu pjesë e grupit më viral në Facebook, Dosja.al

    Do të ketë një autoritet shumë më të madh se ç’ka pasur sot Drejtoria e Përgjithshme e Mbrojtjtes Civile. Është e sigurtë që me ligjin e ri ne jemi shumë afër legjislacionit dhe direktivve eurpiane, me këtë hap ne e përafrojmë vendin drejt standarteve europiane.

    Dua të garantoj të gjithë në radhë të parë drejtuesin e gjithës kësaj force të re që krijohet nga kjo bazë e re ligjore se të gjithë trupat se do të kenë një mbështetje të madhe. Duke shprehur bindjen se kemi përpara një kapitull të ri për të shkruar të gjithë së bashku me Ministrinë e Mbrojtjes me prefekturat me Bashkitë dhe Komunitetet, dhe se këtë kapitull do ta shkruajmë me dinjitet, unë ju falenderoj të gjithë për praninë tuaj këtu. Shumë respekt për të gjithë ata që nuk i shohim në jetën tonë të përditshme por që kur është e nevojshme ata vënë në rrezik edhe jetën e tyre për të na ndihmuar.

    Në lidhje me të njëjtin projekt, ministrja  e Mbrojtjes Olta Xhaçka theksoi pwrpara ushatarakëve se ky ligj do të parandalonte fatkeqësitë natyrore. 

    “Me ligjin për mbrojtjen civile ne zvogëlojmë riskun me të cilat përballet vendi ynë dhe qytetarët. Parandalimi është jo vetëm me efikas, por edhe më efektiv ndaj sëmundjes.,”- u shpreh Xhaçka ndër të tjera. 

    (f.m.f.g/dosja.al)

    Shto Koment