Aktualitet

“Kur do të flasim? Fol mor burrë!” Artan Fuga 3 pyetje Ramës: Jo si Kryeministër

Akademiku dhe profesori Artan Fuga, i ka drejtuar 3 pyetje kryeministrit Edi Rama, për të cilat kërkon përgjigje jo si kryetari i qeverisë.
Featured image of article: “Kur do të flasim? Fol mor burrë!” Artan Fuga 3 pyetje Ramës: Jo si Kryeministër Artan Fuga dhe Edi Rama

TIRANË- Akademiku Artan Fuga, ka reaguar sërish me situatën në të cilën ndodhet Akademia e Shkencave dhe kandidaturën e Skënder Gjinushit për kryetar të saj.

Me anë të një postimi në rrjetet sociale, Fuga ndërsa ironizon me shprehjen e kryeministrit Edi Rama të përdorur fillimisht ndaj studentëve gjatë protestës së dhjetorit, “Kur do të flasim?”, i ka drejtuar atij 3 pyetje, për të cilat Fuga kërkon përgjigje jo si Kryeministër.

Postimi i plotë:

Fol Edi! Kur do të flasim?

Tre pyetje për Edi Ramën, jo si kryeministër!

—————–

E ka mirë deputetja: Kjo që po ndodh në Akademinë e Shkencave nesër më 24 maj, zgjedhjet e paligjshme atje në të gjitha kuptimet, ishte ajo që para disa muajsh ti quaje reformim nëpërmjet rithemelimit???

Të njejtët persona, që vijnë vërdallë si në lojën e karrikeve apo si te vallja gazmore për çliminj : “Erdhi shoqja prapa meje dhe shaminë ma vuri!”, që zgjidhen pa kandidatura rivale sepse askush nuk guxon të flasin në Akademinë e Shkencave dhe jo më të kandidojë, zgjedhje të paligjshme me ligjin e vjetër që deputetët e kanë sjellë për t’a hedhur në kanal!!!

Cfarë turpi për Shqipërinë !!!

Kjo ishte ajo që ti quaje demokratike? Që mënjanë deputetët tuaj, me në krye Eglantina Gjermenin, në komision ndjekin procedura antikushtetuese, për ta ndryshuar ligjin, kurse më anë tjetër Skënder Gjinushi dhe Vaso Tole, me Salvator Bushatin, votohen për pesë vjet me ligjin e kalbur të tanishëm???

Cfarë turpi për një Shqipëri të shekullit të XXI!!!

Ky është pakti që ti gjoja ke bërë me universitetet, kur ministrja jote e arsimit, jo imja, fsheh paturpësisht mendimin e komunitetit universitar të vendit sikur të kishte të bënte me kalamaj që mësojnë abetaren në ndonjë shkollë rurale ???

Për më shumë bëhu pjesë e grupit më viral në Facebook, Dosja.al

Cfarë skandali!!!

Dhe ti ndërkohë hesht, hesht, hesht!

Kjo është kultura, shkenca, arti, dija që ti mbron tani??? O në strehën e pushtetit dhe të politikës, o hiç fareeeeee!!!

Cfarë metamorfoze!

Bën sikur nuk ke dijeni, sikur është gjë e vogël me të cilën merren “thikat” e dorës së dytë si Gjermeni, Shahini, Ikonomi? Ato lënë të nënkuptohet se nuk kanë cfarë të bëjnë ty!

Hipokrizisë i beson ti tani???

Fol mor burrë! O mbroji o dënoji ato zgjedhje që të mbetet në histori gjykimi yt!

Heshtja është aprovim!

Fol Edi!

Nuk besoj arrin derisa dikush të ta ketë mbyllur gojën ty! Veç në pastë me se!

(B.B/ Dosja.al)

Shto Koment