Aktualitet

Kultivonin kanabis në vazo lulesh dhe mbanin armë pa leje në Kurbin, arrestohen babë e bir, në pranga dhe bashkëpuntori i tyre

Në pranga kanë rënë babë e bir, V. R., 48 vjeç, V. R., 17 vjeç, banues në Kurbin dhe A. L., 17 vjeç, banues në Fushë Krujë (shok i 17-vjecarit V. R).
Featured image of article: Kultivonin kanabis në vazo lulesh dhe mbanin armë pa leje në Kurbin, arrestohen babë e bir, në pranga dhe bashkëpuntori i tyre Arme

KURBIN– Tre persona kanë rënë në prangat e policisë pasi janë autorë të dyshuar të tentativës për kultivim të lëndëve narkotike.

Në pranga kanë rënë babë e bir, V. R., 48 vjeç, V. R., 17 vjeç, banues në Kurbin dhe A. L., 17 vjeç, banues në Fushë Krujë (shok i 17-vjecarit V. R). Lënda narkotike iu është gjetur në një banesë në afërsi të një poligoni aty ku kishte armë zjarri dhe i zoti i banesës kishte kultivuar kanabis në vazo lulesh.

NJOFTIMI:

Vijon kontrolli i pandërprerë i territorit, për parandalimin, evidentimin dhe goditjen e veprimtarisë kriminale në fushën e narkotikëve dhe të armëmbajtjes pa leje.Finalizohet operacioni policor i koduar “Poligoni”.Sekuestrohen dy armë zjarri (automatik e pistoletë ) dhe municion luftarak.Vihen në pranga 3 shtetas, posedues të armëve të zjarrit dhe autorë të dyshuar të tentativës për kultivim të bimëve narkotike.

Për më shumë bëhu pjesë e grupit më viral në Facebook, Dosja.al

Në vijim të kontrollit masiv të territorit, me qëllim parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, bazuar dhe në informacionet e marra në rrugë operative së në Laç, Kurbin, në një banesë në afërsi të një poligoni kishte armë zjarri dhe i zoti i banesës kishte kultivuar kanabis në vazo lulesh, u organizua dhe u finalizua operacioni policor i koduar “Poligoni”, në kuadër të të cilit u bë kapja dhe arrestimi i shtetasve:

-V. R., 48 vjeç, V. R., 17 vjeç (babë dhe bir), banues në Kurbin dhe A. L., 17 vjeç, banues në Fushë Krujë (shok i 17-vjecarit V. R).

Gjatë kontrollit të ushtruar nga shërbimet e Policisë, në oborrin e banesës së shtetasit V. R., në Laç, u gjetën të kultivuar në vazo lulesh, disa fidanë të dyshuar narkotikë cannabis sativa.Gjithashtu, gjatë operacionit Policia ka gjetur dhe sekuestruar brenda banesës së shtetasit të lartpërmendur, një armë zjarri automatik, një armë zjarri pistoletë dhe municion luftarak.Materialet hetimore u referuan në Prokurorinë e Rrethit Gjyqësor Kurbin, për veprime të mëtejshme, për veprat penale “Armëmbajtja pa leje” dhe “Kultivimi i bimëve narkotike”, kryer në bashkëpunim.

(a.b)/dosja.al

Shto Koment