Aktualitet

Kultivimi i kanabisit, Veliu ‘dush të ftohtë’ vartësve: Duhet thelluar puna dhe kontrollet në terren, s’do tolerohet asnjë prej jush

Në një njoftim për mediat, Policia njofton se Veliu  bashkë me drejtuesë tjerë kanë bërë një analizë për drejtoritë vendore në Elbasan, Tiranë, Durrës e Korçë.
Featured image of article: Kultivimi i kanabisit, Veliu ‘dush të ftohtë’ vartësve: Duhet thelluar puna dhe kontrollet në terren, s’do tolerohet asnjë prej jush Ardi Veliu gjatë takimit

TIRANË- Drejtori i Policisë së Shtetit, Ardi Veliu ka zhvilluar sot një takim me drejtuesit në rrethe, ku në fokus të bisedave ka qenë lufta ndaj kultivimit të kanabisit. Në një njoftim për mediat, Policia njofton se Veliu  bashkë me drejtuesë tjerë kanë bërë një analizë për drejtoritë vendore në Elbasan, Tiranë, Durrës e Korçë.

Mësohet se drejtori i Policisë u ka kërkuar vartësve që të thellojnë masat dhe të intensifikojnë veprimet në terren dhe marrjet e informacioneve. Veliu theksoi se nuk do tolerohet asnjë drejtues policie e deri te punonjësi më i thjeshtë, në rast se do ketë neglizhencë apo implikim, ndaj në ditët në vijim duhet të shtohen kontrollet në territor.

Ardi Veliu

NJOFTIMI I PLOTË

Takim rajonal për intensifikimin dhe thellimin e masave për parandalimin, evidentimin dhe goditjen e veprimtarisë kriminale në fushën e kultivimit dhe trafikimit të kanabisit. Drejtori i Përgjithshëm i Policisë së Shtetit Ardi Veliu, së bashku me Zv/Drejtoren e Përgjithshme Aida Hajnaj, Drejtorin e Departamentit të Policisë Kriminale Tonin Vocaj dhe Drejtorin e Departamentit të Sigurisë Gjovalin Loka, zhvilloi një analizë ku morën pjesë drejtorët e drejtorive vendore Elbasan, Tiranë, Durrës e Korçë dhe shefat e komisariateve.

Për më shumë bëhu pjesë e grupit më viral në Facebook, Dosja.al

Drejtori i Përgjithshëm Veliu ka vlerësuar punën e deritanishme dhe ka kërkuar thellim të masave duke intesifikuar veprimet në terren dhe në marrjen e informacioneve. Kjo në radhë të parë në bashkëpunim me qytetarët dhe me institucionet e agjencitë ligjzbatuese që ligji i ngarkon me përgjegjësi për të luftuar këtë veprimtari kriminale. Veliu theksoi se nuk do tolerohet asnjë drejtues policie e deri te punonjësi më i thjeshtë, në rast se do ketë neglizhencë apo implikim, ndaj në ditët në vijim duhet të shtohen kontrollet në territor.

“Periudha që ka mbetur është periudhë që e gjithë Policia të jetë në terren e jo në zyra. Të nxirrni përgjegjësitë dhe atje ku janë konstatuar raste të kultivimit të ndëshkohen personat përgjegjës, qoftë nga radhët e Policisë, pushteti vendor, kryepleqtë e fshatrave, inspektorët e pyjeve e të cilitdo institucion që ngarkon ligji me përgjegjësi”, – shtoi Veliu. Ai porositi që me dronët dhe helikopterin e Policisë çdo ditë duhen ushtruar kontrolle e rikontrolle territori.  Grupet e kontrollit nga toka të kontrollojnë imtësisht territorin, banesat e braktisura, tunelet, serat e çdo vend tjeter. Policia Kriminale të intensifikojë veprimet në drejtim të marrjes së informacioneve për personat me tendencë kriminale”, – nënvizoi Drejtori i PSH.

Gjithashtu ai porositi të shtohen kontrollet për goditjen e krimeve mjedisore. Veliu kërkoi më shumë angazhim në drejtim të rritjes së parametrave të sigurisë, me prioritet zonat bregdetare, kapjen e personave në kerkim, atyre që qarkullojne me armë apo me lëndë narkotike. Drejtori u ndal edhe në intensifikimin e punës për zbatimin e masave për parandalimin e përhapjes së virusit COVID-19. Veliu ka theksuar se shërbimi ndaj qytetarëve është prioritar dhe ka kërkuar rritje të performancës së Policisë në këtë drejtim.

(A.B. Dosja.al)

Shto Koment