Editorial

Ktheu lokalin në kazino, procedohet i riu nga Korça, ja çfarë gjeti policia gjatë kontrolleve

Policia e Korçës procedoi në gjendje të lirë një të ri, i cili kishte përshtatur lokalin për zhvillimin e lojërave të fatit.
Featured image of article: Ktheu lokalin në kazino, procedohet i riu nga Korça, ja çfarë gjeti policia gjatë kontrolleve Foto ilustruese

KORÇË -Policia e Korçës ka proceduar penalisht në gjendje të lirë një 33-vjeçar me iniciale K.K., për ushtrim të paligjshëm të lojërave të fatit. Ky i fundit e kishte kthyer lokalin e tij, në ambjent për zhvillimin e lojërave të fatit. Në cilësinë e provës materiale u gjetën dhe sekuestruan, një tavolinë pokeri, 31 cop fisha dhe letra bixhozi. Materialet i kaluan Prokurorisë së Korçës për veprime të mëtejshme.

Njoftimi i policisë:

Për më shumë bëhu pjesë e grupit më viral në Facebook, Dosja.al

Specialistët për hetimin e krimeve në Komisariatin e Policisë Korçë, filluan procedimin penal në gjendje të lirë ndaj shtetasit K. K., 33 vjeç, banues në Korçë. Procedimi ndaj tij filloi pasi, gjatë kontrollit që shërbimet e policisë kanë ushtruar në lokalin në përdorim të tij, në lagjen nr. 11, iu gjetën dhe sekuestruan në cilësinë e provës materiale një tavolinë pokeri, 31 copë fisha dhe letra bixhozi, të cilat dyshohet se përdoreshin për të ushtruar aktivitetin e paligjshëm të lojrave të fatit. Materialet i kaluan Prokurorisë pranë Gjykatës së Shkallës së Parë Korçë për veprat “Organizimi ose ushtrimi i veprimtarive të lojërave të fatit në kundërshtim me ligjin” dhe “Vënia në dispozicion e lokaleve.

(g.sh./dosja.al)

Shto Koment