Factcheck

Ksamili ‘braktiset ‘ nga turistët në kulmin e sezonit, biznesmenët: S’kemi rritur çmimet, shteti na la në mes të rrugës (Foto)

Për Dosja.al biznesmenët në Ksamil u shprehën se sezoni turistik i këtij viti i ka përballur me vështirësi të mëdha.
Featured image of article: Ksamili ‘braktiset ‘ nga turistët në kulmin e sezonit, biznesmenët: S’kemi rritur çmimet, shteti na la në mes të rrugës (Foto) Ksamili bosh dhe fatura

KSAMIL– Ndërkohë që jemi në mesin e muajit korrik, që përkon gjithashtu edhe me kulmin e sezonit turistik, Ksamili është krejtësisht i boshatisur. Fshati i vogël bregdetar në jug të Shqipërisë nuk është mbushur nga turistët ashtu siç ka ndodhur vitet më parë, dhe kjo gjë sigurisht rëndon edhe në kurrizin e bizneseve të kësaj zone.

Dhe siç shihet nga fotot e siguruara nga Dosja.al lokalet e bukura pranë detit janë bosh.

Pavarësisht investimeve të bëra në këtë zonë, njerëzve që kanë punësuar duke i marrë që nga kryeqyteti, të cilëve u paguhet edhe akomodimi, biznesmenët shprehen për Dosja.al se janë krejtësisht të zhgënjyer.

I marrim vetë masat. Shteti n aka lënë në mes të rrugës. Ky vit nuk është as sa gjysma e pritshmërie dhe as sa gjysma e fluksit që ka qenë vitet e tjera. Çmimet s’i kemi rritur aspak. Kemi investuar para, kohë dhe njerëz të cilët i kemi marrë nga Tirana. Por e kotë, s’ka pushues,”– shprehen ata.

Dhe një faturë të siguruar nga Dosja.al shihet se çmimet janë pothuajse apo njësoj me shumë prej lokaleve të Tiranës.

Fatura

Ndërkohë vlen të theksojmë se qeveria në deklarata të herëpashershme është shprehur se Shqipëria sa vjen e vizitohet nga miliona turistë. Por nga investigimi i bërë rezulton krejt e kundërta, të paktën në zonën e Ksamilit. 

(f.m/dosja.al)

Shto Koment