Politike

Kryenegociatori i Shqipërisë, Zef Mazi takon zv/ministrin e jashtëm grek: Mbështetje nga Greqia për të hedhur hapin tjetër drejt BE

Kryenegociatori i Shqipërisë, Zef Mazi shpreson që të mbahet sa më shpejt Konferenca e Parë Ndërqeveritare, teksa nga ana tjetër zv.ministri grek ka shprehur mbështetjen politike dhe teknike nga Greqia për të hedhur hapin e radhës drejt rrugës për në BE.
Featured image of article: Kryenegociatori i Shqipërisë, Zef Mazi takon zv/ministrin e jashtëm grek: Mbështetje nga Greqia për të hedhur hapin tjetër drejt BE Zef Mazi dhe Miltiadis Varvitsiotis

GREQI– Kryenegociatori i Shqipërisë, Zef Mazi dhe zëvendësministri i jashtëm grek, Miltiadis Varvitsiotis kanë kryer një takim të përbashkët për integrimin europian të Shqipërisë. Në fjalën e tij, Mazi shpreson që të mbahet sa më shpejt Konferenca e Parë Ndërqeveritare, teksa nga ana tjetër zv.ministri grek ka shprehur mbështetjen politike dhe teknike nga Greqia për të hedhur hapin e radhës drejt rrugës për në BE.

NJOFTIMI NGA KRYEMINISTRIA:

Takimi Mazi-Varvitsiotis, për bashkëpunimin e mëtejshëm në procesin e integrimit

Më 16 shtator 2020, Kryenegociatori për negociatat e anëtarësimit të Shqipërisë në Bashkimin Europian, Zoti Zef Mazi, u takua me Ministrin e Jashtëm Përplotësues të Republikës Greke, Zoti Varvitsiotis.

Për më shumë bëhu pjesë e grupit më viral në Facebook, Dosja.al

Zoti Mazi dhe Zoti Varvitsiotis zhvilluan konsultime për bashkëpunimin e mëtejshëm në kuadrin e integrimit të Shqiperisë në Bashkimin Europian.

Dy zyrtarët e lartë diskutuan ndikimin e vendimit pozitiv të Këshillit Europian në mars 2020 për hapjen e negociatave të anëtarësimit të Shqipërisë në Bashkimin Europian. Duke e përshkruar atë si një vendim madhor, historik, për Shqipërinë, Kryenegociatori theksoi se Shqipëria vazhdon të përmbushë konkluzionet e Këshillit me përgjegjësi dhe vendosmëri edhe më të madhe për të dhënë rezultate. Ai shprehu shpresën dhe besimin se rezultatet e Shqipërisë në fushën e sundimit të ligjit do të pasohen nga vendimi i BE-së për të bërë të mundur hedhjen e hapit të rradhës në rrugën e BE-së – mbajtjen e Konferencës së parë Ndërqeveritare në kohën më të shpejtë të mundshme.

Dy bashkëbiseduesit ranë dakord të vijojnë kontaktet e ngushta, përfshirë duke mbikqyrur zbatimin e Memorandumit të Bashkëpunimit për Përshpejtimin e Procesit të Integrimit të Shqipërisë në BE, për të vazhduar diskutimin mbi çështjet e lidhura me BE-në, përfshirë mbështetjen politike për Shqipërinë për të hedhur hapin tjetër të mëtejshëm në rrugën e BE-së, si dhe për të dhënë mbështetje teknike për negociatat e ardhshme.

(k.m/dosja.al)

Shto Koment