Bota

Kryeministri grek mesazh Erdoganit pak para samitit: Nëse Turqia nuk ndjek rrugën e dialogut, Evropa të marrë veprime kundër saj

Ai është shprehur se tashmë ka ardhur koha që Evropa të diskutojë me guxim dhe sinqeritet se çfarë marrëdhënie dëshiron vërtet të ketë me Turqinë.
Featured image of article: Kryeministri grek mesazh Erdoganit pak para samitit: Nëse Turqia nuk ndjek rrugën e dialogut, Evropa të marrë veprime kundër saj Rexhep Erdogan dhe Kyriakos Mitsotakis

GREQI-Kryeministri grek Kyriakos Mitsotakis ditën e sotme i ka dërguar një mesazh Ankarasë dhe presidentit turk Rexhep Erdogan, gjatë deklaratës që ka bërë para fillimit të Samitit në Bruksel. Ai është shprehur se tashmë ka ardhur koha që Evropa të diskutojë me guxim dhe sinqeritet se çfarë marrëdhënie dëshiron vërtet të ketë me Turqinë.

“Greqia ka provuar në praktikë se dëshiron të ndjekë rrugën e parë. I takon Turqisë të bëjë të njëjtën gjë. Por ajo duhet ta bëjë atë në mënyrë të qëndrueshme dhe me stabilitet,” tha  Mitsotakis.

Ndër të tjera kreu i qeverisë greke është shprehur se nëse Turqia nuk ndjek rrugën e dialogut, Evropa do duhet të marrë veprime kundër saj.

Për më shumë bëhu pjesë e grupit më viral në Facebook, Dosja.al

“Dy shtigje hapen para nesh: njëra është rruga e dialogut, e diplomacisë, një e dialogut, e cila duhet të bazohet në respektimin e ligjit ndërkombëtar, shmangien e veprimit të njëanshëm dhe rregullat e fqinjësisë së mirë. Rruga tjetër është përshkallëzimi i tensionit. gjë që do të çojë në mënyrë të pashmangshme – herët a vonë – në miratimin e masave nga Evropa kundër Turqisë “, theksoi Kyriakos Mitsotakis. 

Burimi: capital.gr

(A.K.dosja.al)

Shto Koment