Politike

Kritikat për Reformën në Drejtësi, Yuri Kim kërkon kujdes me fjalët: Është çmenduri! I kemi dhënë emrat tonë, shpresoj që të na dëgjoni

Yuri Kim u tërhoq nga përgjigja për të përmendur me emra se cili duhet që të ishte subjekt i drejtësisë së re.
Featured image of article: Kritikat për Reformën në Drejtësi, Yuri Kim kërkon kujdes me fjalët: Është çmenduri! I kemi dhënë emrat tonë, shpresoj që të na dëgjoni Yuri Kim

TIRANË– Ambasadorja amerikane në Shqipëri, Yuri Kim ka komentuar zërat kritike ndaj Refomës në Drejtësi. E ftuar në emisionin “Përballë”, Kim pranoi se reforma duhet kritikuar dhe gjërat që nuk shkojnë duhet të evidentohet por duhet bërë kujdes. 

“Për çdo reformë madhore, është me rëndësi të shqyrtohet seriozisht përparimi që ndodh dhe të bëhen korrigjime rrugës. Të këmbëngulësh se diçka është e përsosur dhe nuk mund të preket nuk është pozicion fort i mirë, nuk është i arsyeshëm. Nuk them se Reforma nuk duhet kritikuar. Edhe unë mendoj për mënyra për ta përmirësuar. Por ka dallim që të shpresosh se njerëzit do të humbin shpresën tek drejtësia. Është çmenduri ta thuash. Dhe mendoj se njerëzit e kuptojnë. Nuk është puna ime të punoj fort. Jam e huaj në vendin tuaj,”-u shpreh ajo, 

Ndërsa më pas u tërhoq nga përgjigja për të përmendur me emra se cili duhet që të ishte subjekt i drejtësisë së re.

Për më shumë bëhu pjesë e grupit më viral në Facebook, Dosja.al

“Unë nuk jam prift që të gjykoj kush është i përlyer e kush i papërlyer, nuk jam polic që të vendos kush duhet të jetë në burg dhe kush jo. Jam vetëm një diplomate amerikane dhe jam këtu për të përfaqësuar interesat e vendit tim. Nëse do të isha shtetase shqiptare nuk do ta pranoja që dikush me rekorde kriminale të paguhej nga taksat e mia në Kuvend.  I kemi dhënë emrat tonë, shpresoj që të na dëgjoni,”-shtoi ajo.

(k.m./dosja.al) 

Shto Koment