Politike

Kritikat për publikimin e videos, këshilltari i Ramës, Endri Fuga: Prindërit e vajzës dolën vetë hapur

  • Vizita në shtëpinë e të miturës së përdhunuar në Kavajë, opozita ultimatum Ramës: Shkarko Spiropalin, një orë kohë për të fshirë videon
  • Në statusin e tij në Twitter Fuga shkruan se janë pikërisht ata politikanë dhe media të indinjuara që i shtynë prindërit e vajzës të dalin hapur.
    Featured image of article: Kritikat për publikimin e videos, këshilltari i Ramës, Endri Fuga: Prindërit e vajzës dolën vetë hapur Endri Fuga

    Vizita e ministres Elisa Spiropali në familjen e vajzës së abuzuar në Kavajë ka shkaktuar shumë reagime nga ana e opozitës dhe në rrjetet sociale. Kjo pasi vizita u pasqyrua me video të publikuar në profilin e facebook të kryeministrit Edi Rama.

    Deputetja e PD-së Albana Vokshi me anë të një statusi në facebook i dha ultimatum Ramës të shkarkojë Spiropalin dhe të fshijë videon nga profili i tij.  Më pas erdhi edhe reagimi i Klajda Gjoshës, e cila citoi ligjin e ruajtjes së privatësisë për të miturit e abuzuar.

    Me anë të një statusi në Twitter, Endri Fuga, këshilltari i kryeministrit Rama iu përgjigj këtyre kritikave të bëra nga opozita.

    Për më shumë bëhu pjesë e grupit më viral në Facebook, Dosja.al

    “Ata politikane dhe media qe shfaqen sot gjasme te indinjuar per viziten e Elisa Spiropali tek familjaret e vajzes ne Kavaje jane pikerisht arsyeja pse prinderit e vajzes vendosen te dilnin hapur me ate mesazh te drejtperdrejte ne ERTV,”- shkruan Fuga.

    (f.m/dosja.al)

    Shto Koment