Aktualitet

Vrasja e biznesmenëve në Laç/ Gjykata jep “arrest me burg” për Kreshnik Tushën, masa e sigurisë iu dha tek spitali i Traumës, i riu mohon akuzat

Gjykata lë në qeli Kreshnik Tushën, një nga autorët e vrasjes së Bujar Likës dhe Paulin Gjergjir. Masa e sigurisë për 21-vjeçarin u dha në spitalin e Traumës, pasi aty po merr mjekim. I riu ka mohuar që të ketë lidhje me ngjarjen.
Featured image of article: Vrasja e biznesmenëve në Laç/ Gjykata jep “arrest me burg” për Kreshnik Tushën, masa e sigurisë iu dha tek spitali i Traumës, i riu mohon akuzat Paulin Gjergji, Bujar Lika dhe pamje nga vendi i ngjarjes

Tiranë- Gjykata e Kurbinit ka dhënë masën e sigurisë “arrest me burg”  për 21-vjeçarin Kreshnik Tusha, njëri nga autorët e dyshuar të vrasjes së dyfishtë në Laç. Burime për Dosja.al bëjnë me dije se masa e sigurisë është dhënë në spitalin e Traumës në Tiranë, ku 21-vjeçari po merr mjekim, pasi u plagos gjatë atentatit.  I riu ka mohuar që të ketë lidhje me ngjarjen, por pritet përgjigja e analizimit të njollave të gjakut,për të zbuluar të vërtetën. Tusha mbahet në masa të rrepta sigurie në spital, ku janë të pranishme edhe forca të shumta policie.  Dyshohet se 21-vjeçari mund të jetë vrasës me pagesë.

 

Për më shumë bëhu pjesë e grupit më viral në Facebook, Dosja.al

Ngjarja e rëndë ndodhi më 30 maj, kur 7 atentatorët, mes tyre Kreshnik Tusha, të veshur si efektivë polici mbërritën në sheshin e një hoteli “AA”, në autostradën Laç-Mamurras, ku ndodheshin viktimat dhe i gjuajtën me armë. Për pasojë, ndërroi jetë në vendngjarje, Bujar (Hasani) Lika, 37 vjeç dhe u plagosën Paulin Gjergji, 53 vjeç dhe Kreshnik Tusha 21 vjeç. Gjergji u transportua në spitalin e Traumës ku vdiq si pasojë e plagëve të marra, ndërsa Tusha me ndihmën e bashkëpunëtorëve shkoi në shtëpinë e tij, që të ndërrohej. Ai hoqi uniformën e Policisë së Shtetit dhe i veshur civil, me ndihmë ne familjarëve shkoi në spitalin e Kurbinit. Më pas u nis drejt Traumës, ku po merr edhe mjekim, pasi është plagosur në këmbë.

J.V/Dosja.al

Shto Koment