Sport

Krahasoi Albin Kurtin me Hasan Prishtinën dhe Fan Nolin, kapiteni i Kombëtares së Kosovës s’duron dot më: Ra fjala e popullit

Lojtari i Veronës, e konsideron të pakuptueshme atë që ndodhi një ditë më parë në Kosovë me rrëzimin e qeverisë së Albin Kurtit/
Featured image of article: Krahasoi Albin Kurtin me Hasan Prishtinën dhe Fan Nolin, kapiteni i Kombëtares së Kosovës s’duron dot më: Ra fjala e popullit Albin Kurti dhe Amir Rrahmani

Kosova nuk do të udhëhiqet nga Albin Kurti, vetëm 45 ditë pasi u zgjodh si kryeministër. Mocioni i ngritur nga Lidhja Demokratike e Kosovës kaloi me 82 vota pro rrëzimit të qeverisë, 32 kundër dhe një abstenim.

Partia e tij “Vetëvendosja” do të duhet edhe një herë të fitojë besimin e popullit për të marrë më shumë vota. Mes reagimeve të shumta spikat ajo e kapitenit të përfaqësueses së Kosovës, qendërmbrojtësit Amir Rrahmani. Lojtari i Veronës, e konsideron të pakuptueshme atë që ndodhi një ditë më parë në Kosovë.

“Asnjëherë nuk jam marrë me politikë, por në një situatë pandemie të kenë më shumë rëndësi interesat personale se sa shëndeti i kosovarëve, nga të cilët nesër do të kërkojnë votën prapë, është e pakuptueshme. Edhe sa duhet te presim që Kosova të bëhet një shtet evropian? Si çdo kosovar, edhe unë dua që shteti im të përparojë, që të kemi një jetë më të mirë të gjithë sepse një ditë edhe unë dua të kthehem dhe të jetoj aty. Është vendi i ynë. E DUA.”

Për më shumë bëhu pjesë e grupit më viral në Facebook, Dosja.al
Postimi

Në fund, kapiteni i Përfaqësueses së Kosovës nënvizoi se u rrëzua njeriu që ka marrë më së shumti vota në 15 vitet e fundit dhe me këtë veprim është rrëzuar fjala e popullit.

“Njeriu që ka marrë vota nga populli më së shumti në 15 vitet e fundit, BIE. Bie edhe fjala e popullit”, përfundoi shkrimin e tij kapiteni kosovar”, shkruan Rrahmani, i cili postimin e tij e shoqëron edhe me një foto, ku bëhen një krahasim i Kurtit me personalitete si Hasan Prishtina dhe Fan Noli,”-shtoi ai.

(e.ç/dosja.al)

Shto Koment