AktualitetRajoni

Kosnett uron Kosovën: Për të arritur paqen nevojitet një marrëveshje me Serbinë

Ambasadori i SHBA-ve në Kosovë, Philip Kosnett, ka uruar qytetarët me rastin e 11 vjetorit të Shpalljes së Pavarësisë së Kosovës.
Featured image of article: Kosnett uron Kosovën: Për të arritur paqen nevojitet një marrëveshje me Serbinë Ambasadori amerikan në Kosovë, Philip S.Kosnett.
Përditësuar:

Ambasadori më i ri amerikan në Kosovë, Philip S.Kosnett, përmes një video ka uruar për Pavarsinë e Kosovës. Video është publikuar në Facebook, në faqen zyrtare të Ambasadës Amerikane në Kosovë. Në urimin e tij ai shprehet se nëse Kosova kërkon paqe, atëherë duhet të arrihet një marrrëveshje gjithëpërfshirëse me Serbinë.

“Nëse flasim për Kosovën e para 15 viteve mund të kuptojmë që njerëzit kanë ndryshuar shumë, në rindërtimin dhe pregatitjen e shtetit në skenën ndërkombëtare. Unë gjithmonë jam i impresionuar me rininë e Kosovës e cila është e mençur dhe plotë energji. Partneriteti i afërt midis Shteteve të Bashkuara dhe Kosovës i ka sjellë përfitime të dy vendeve. Unë nuk dyshoj se partneriteti ynë do të vazhdojë edhe në të ardhmen. Kosova tani ka hyrë në dekadën e dytë të shpalljes së Pavarësisë së saj. Tani është përgjegjësi e popullit të Kosovës që t’i mbajnë përgjegjës liderët e tyre drejt hapave të suksesit. Unë shpesh dëgjoj se populli i Kosovës dëshiron paqe, drejtësi dhe prosperitet. Unë besoj se një shtet nuk mund të jetë i suksesshëm duke e anashkaluar ndonjërën nga këto tre elemente. Për të arritur paqen, nevojitet një marrëveshje gjithëpërfshirëse me Serbinë e cila do të rezultojë në njohje të dyanshme. Për të arritur këtë sukses nevojitet një lidership i përgjegjshëm, përfshirje të qytetarëve dhe vendosmëri për të shërbyer mundësi të barabarta për të gjithë qytetarët, pa marrë parasysh gjininë, religjionin apo etninë. Populli i Kosovës janë në rrugën e drejt dhe SHBA do të jetë pranë tyre. Urime dita e Pavarësisë së Kosovës, Gëzuar!”–  ishte ky urimi i Ambasadorit amerikan në Kosovë.

Për më shumë bëhu pjesë e grupit më viral në Facebook, Dosja.al

Video e publikuar me urimin nga Philip S.Kosnett.

L.K/Dosja.al

Shto Koment