Sport

Kosova luan kualifikueset me tre kundërshtarë që nuk e njohin si shtet, Spanja nuk pranon flamurin

Një grup i komplikuar edhe politikisht, përveç Suedisë, tre vendet e tjera ende nuk e njohin pavarësinë e Kosovës
Featured image of article: Kosova luan kualifikueset me tre kundërshtarë që nuk e njohin si shtet, Spanja nuk pranon flamurin Kosova

SPANJË– Kosova është shortuar në Grupin B për kualifikueset e Botërorit Katar 2022.Një grup mjaft i komplikuar që do të duhet të përballet me Spanjën, Suedinë, Greqinë e Gjeorgjinë në një grup me 5 skuadra, teksa me helenët skuadra “dardane’ u përball edhe në edicionin e fundit të Ligës së Kombeve. Një grup i komplikuar edhe politikisht, përveç Suedisë, tre vendet e tjera ende nuk e njohin pavarësinë e Kosovës.

Një precedent i tillë i ka shkaktuar dhimbje koke Ministrit të Punëve të Jashtme, Arancha González Laya, i cili këtë të martë në një intervistë për “Cadena Ser” sqaroi se kjo çështje zgjidhet me rregullat e FIFA-s. Gjithçka lidhet me flamurin e Kosovës në të cilën Spanja nuk e pranon. Në Lojërat Mesdhetare në Tarragona, në verën e vitit 2018, atletët kosovarë parakaluan nën flamurin e Komitetit Olimpik të vendit të tyre dhe morën vizat në një formë të veçantë.

Për më shumë bëhu pjesë e grupit më viral në Facebook, Dosja.al

Nga ana e tyre, karateistët kosovarë morën pjesë në Kupën e Botës të mbajtur në Madrid në nëntor të të njëjtit vit, por ata u identifikuan si anëtarë të Federatës Botërore të Karatesë, pa ndonjë referencë për vendin e tyre. Burime nga Këshilli i Lartë i Sporteve përjashtojnë që Spanja mund të eliminohet për shkak të qëndrimit të saj ndaj Kosovës dhe sigurojnë që një formulë do të negociohet me FIFA që lejon zgjidhjen siç është bërë me IOC. Për këtë, ata pohojnë se ka ende kohë; kështu që supozohet se do të ketë një marrëveshje.

E.Ç (Dosja.al)

Etiketa:

Shto Koment