Aktualitet

Korrupsioni gjatë zgjedhjeve! Jepte para për vota, kandidati i LSI për deputet Etion Joka shpallet në kërkim nga policia

  • “Tu jap një kafe të mirë”, videoja e kandidatit të LSI-së që jep dollarë, SPAK e merr nën hetim
  • Në njoftimin për mediat, policia bën të ditur se dy personat kanë kryer korrupsion në fushatën zgjedhore. Policia ka ushtuar kontrolle mirëpo deri më tani nuk është bërë e mundur kapja e Jokës. 
    Featured image of article: Korrupsioni gjatë zgjedhjeve! Jepte para për vota, kandidati i LSI për deputet Etion Joka shpallet në kërkim nga policia Etion Joka

    TIRANË– Policia e shtetit ka shpallur në kërkim, kandidatin për deputet të LSI-së, Etion Jokën. Kjo pasi, Joka është filmuar në një video duke premtuar para për blerjen e votave. Joka shfaqet me zë në një video, teksa i jep 100 dollarë një qytetari që është angazhuar të mbledhë vota për LSI-në. Po ashtu në të njëjtën video, një person i quajtur Edison Babo vijon pazaret ku premton punësim për qytetarin pas zgjedhjeve.

    Ky i fundit është arrestuar nga policia. Në njoftimin për mediat, policia bën të ditur se dy personat kanë kryer korrupsion në fushatën zgjedhore. Policia ka ushtuar kontrolle mirëpo deri më tani nuk është bërë e mundur kapja e Jokës.

    Edison Babo do të akuzohet për veprën penale “Korrupsioni pasiv në zgjedhje”,  ndërsa Joka për veprën penale “Korrupsioni aktiv në zgjedhje”.

    Për më shumë bëhu pjesë e grupit më viral në Facebook, Dosja.al

    NJOFTIMI:

    Specialistët e Seksionit për Hetimin e Korrupsionit në Drejtorinë Vendore të Policisë Tiranë bënë ndalimin për veprën penale “Korrupsioni pasiv në zgjedhje”, të shtetasit E. B., 30 vjeç, si dhe shpallën në kërkim për veprën penale “Korrupsioni aktiv në zgjedhje”,” shtetasin E. J., 32 vjeç, kandidat për deputet i një subjekti politik për qarkun e Tiranës. Në kuadër të procedimit penal, datë 23.04.2021 të SPAK dhe bazuar në pamjet filmike të transmetuara në media dhe  rrjete sociale, këta dy shtetas janë të dyshuar për një rast korrupsioni në fushatën zgjedhore.Shërbimet e Policisë kanë ushtruar disa kontrolle por deri tani nuk është bërë e mundur kapja e shtetasit E. J.Materialet proçeduriale iu kaluan Prokurorisë së Posaçme Kundër Korrupsionit dhe Krimit të Organizuar, në ngarkim të shtetasit E. B., për veprën penale “Korrupsioni pasiv në zgjedhje”,  dhe në ngarkim të shtetasit E. J., për veprën penale “Korrupsioni aktiv në zgjedhje”.

    (a.b)/dosja.al

    Shto Koment