Bota

Koronavirusi nuk kursen as familjen mbretërore/ Princi saudit nën kujdesin intensiv, infektohen 150 anëtarë të tjerë

84-vjeçari Salman është izoluar në një pallat pranë Jeddah, ndërsa princi i kurorës po qëndron në një vend të largët në brigjet e Detit të Kuq.
Featured image of article: Koronavirusi nuk kursen as familjen mbretërore/ Princi saudit nën kujdesin intensiv, infektohen 150 anëtarë të tjerë Faisal bin Bandar Al Saud

ARABIA SAUDITE- Koronavirusi nuk ka kursyer as lider të mëdhenj apo mbretër në çdo cep të botës. Në mediat e huaja është raportuar se të paktën 150 anëtarë të familjes mbretërore saudite janë të infektuar nga Covid-19, ndërkohë që mbreti Al-Saud dhe princi Mohamed bin Salman janë në izolim për të mos përhapur këtë virus  vdekjeprurës.

Ndërkohë mjekët në Spitalin Special të Mbretit Faisal Specialist në Riad që po kujdesen për anëtarët e familjes mbretërore, po përgatisin rreth 500 shtretër të tjerë për t’i paraprirë një fluksi më të madh të të sëmurëve nga koronavirusi.

84-vjeçari Salman është izoluar në një pallat pranë Jeddah, ndërsa princi i kurorës po qëndron në një vend të largët në brigjet e Detit të Kuq.

Duke qenë se numri i princave sauditë është i lartë dhe shumë prej tyre udhëtojnë shpesh në shtetet e Evropës, mendohet se për këtë shkak  mund të kenë marrë edhe infeksionin.  Besohet që familja mbretërore saudite ka rreth 15,000 anëtarë.

Princi saudit Faisal bin Bandar bin Abdulaziz Al Saud, guvernatori i kryeqytetit Riad sipas mediave  të huaja është nën kujdesin intensiv pasi u infektua, shkruan Neë York Times.

Deri më tani ky vend me 33 milionë banorë ka rregjistruar rreth 2,932 raste dhe 41 viktima nga Covid-19.

Për më shumë bëhu pjesë e grupit më viral në Facebook, Dosja.al

 “Brenda disa javëve të ardhshme, studimet parashikojnë se numri i infeksioneve do të shkojë nga minimumi 10.000 deri në maksimum 200.000.”- ka thënë ministri Taëfiq al-Rabiah, sipas mediave shtetërore.

1.5 milionë njerëz, janë infektuar nga koronavirusi në mbarë botën dhe kanë vdekur 88,000 prej tyre. Pasi Kina vuri në kontroll gjithçka, epiqendra e re është bërë Amerika, ku janë regjistruar 432,000 të infektuar dhe më shumë se 14.800 të vdekur. Vetëm brenda një ditë kanë vdekur thuajse 2 mijë persona. Spanja dhe Italia, janë vendet më të prekura nga virusi, ku shifrat janë alarmante. Në Spanjë janë shënuar respektivisht 148,220 të prekur dhe 15 mijë viktima. Italia megjithatë ka më shumë viktima se Spanja, plot 17,669. Gjithashtu edhe në Ballkan ka mijë raraste, në Greqi, Serbi,Maqedoni e Kosovë, ndërsa në Shqipëri janë 409 të infektuar dhe 22 të vdekur.

Burimi: Nytimes

A.C/Dosja.al 

Shto Koment