Bota

‘SHBA në luftë’/ 150 të vdekur dhe mbi 9400 të infektuar nga koronavirusi, ekspertët: Po kryhen shumë pak testime. Edhe Trump në vështirësi

Disa ekspertë thonë se shifra e të infektuarve mund të jetë shumë më e lartë, pasi në vend nuk po testohen mjaftueshëm njerëz. Situatën e vështirë e ka pranuar edhe presidenti Donald Trump.
Featured image of article: ‘SHBA në luftë’/ 150 të vdekur dhe mbi 9400 të infektuar nga koronavirusi, ekspertët: Po kryhen shumë pak testime. Edhe Trump në vështirësi Foto Ilustruese

SHBA- Numri i personave të infektuar me Covid-19 në SHBA ka shkuar në më shumë se 9,400 njerëz nga 7,000, që ishin shënuar një ditë më parë. Ndërkohë që deri më tani kanë humbur jetën 150 persona.

Disa ekspertë thonë se shifra e të infektuarve mund të jetë shumë më e lartë, pasi në vend nuk po testohen mjaftueshëm njerëz. Situatën e vështirë e ka pranuar edhe presidenti Donald Trump.

“Unë e shoh veten si një president në kohë lufte,”- tha ai në një konferencë për shtyp nga Shtëpia e Bardhë.

Në SHBA tashmë janë mbyllur të gjitha shkollat, restorantet dhe të gjitha vendet publike.

Për më shumë bëhu pjesë e grupit më viral në Facebook, Dosja.al

Ndërsa COVID-19 është përhapur në të gjithë botën. Numri i viktimave rritet nga dita në ditë dhe deri më tani në rang global kanë humbur jetën 8,970 dhe të prekur aktualisht janë 198,730 të tjerë. Ndërsa 85,749 persona kanë fituar betejën me koronavirusin. Në Kinë ka shkuar në 3,245 numri i viktimave. Po kështu, një nga vendet më prekura është edhe Italia, pasi aty kanë humbur jetën 2.978 persona. Sa i përket Shqipërisë janë 59 raste, mes tyre dy viktima dhe në Kosovë ka 20 persona të infektuar.

Burimi: businessinsider

(A.K.Dosja.al)

Shto Koment