Aktualitet

“Me kan’ shkodran, koronavirusi asgja s’të ban”/ Qytetarët se prishin terezinë, dalin xhiro me biçikleta në Pedonale, Policia vendos gjoba dhe i shoqëron në komisariat

FOTO
Qytetarët kanë dalë dhe kanë vijuar me ritualin e tyre të shëtitjes me biçikleta në Pedonale, duke shijuar rrezet e diellit.
Featured image of article: “Me kan’ shkodran, koronavirusi asgja s’të ban”/ Qytetarët se prishin terezinë, dalin xhiro me biçikleta në Pedonale, Policia vendos gjoba dhe i shoqëron në komisariat Pamje nga aksioni i Policisë

SHKODËR– Qytetarët janë ndaluar që të qarkullojnë pas orës 10 të pasdites, por ky lajm mesa duket nuk ka shkuar akoma në Shkodër.

Qytetarët kanë dalë dhe kanë vijuar me ritualin e tyre të shëtitjes me biçikleta në Pedonale, duke shijuar rrezet e diellit.

Por efektivët e policisë kanë qënë aty për t’i ndërgjegjësuar qytetarët e pabindur duke i informuar lidhur me rrezikun e lartë të infektimit me koronavirus, edhe pse deri më tani Shkodra nuk ka asnjë rast pozitiv.

Megjithatë nuk kanë munguar as shoqërimet për personat, të cilët nuk kanë respektuar urdhrin e kryeministrit Edi Rama. Mes tyre kanë qënë edhe tre  klandestinë sirianë, të cilët janë ndaluar dhe shoqëruar nga policia.

Për më shumë bëhu pjesë e grupit më viral në Facebook, Dosja.al

Bilanci i të prekurve me COVID-19 në Shqipëri. Brenda 24 orëve të fundit janë shënuar 5 raste të reja, duke shkuar në 64 nurmi i të infektuarve.  Sot, konfirmohen tri italianë të prekur nga COVID-19, që janë shtetasit e parë të huaj që rezultojnë pozitivë.  Po kështu, 9 prej të infektuarëve janë mjekë dhe infermierë, një nga Spitali i Durrësit dhe të tjerët nga spitali “Shefqet Ndroqi”. Vatra e të infektuarve është zgjeruar në Tiranë, Rrogozhinë, Elbasan, Durrës, Lushnje, Fier dhe Kavajë.

Jeta në vend është paralizuar thuajse totalisht, nuk ka transport publik, është ndaluar lëvizja me makinë apo me këmbë, si dhe shumë vende punë janë mbyllur. Në shërbim të shtetit do të jenë edhe spitalet private gjatë periudhës së emergjencës dhe kush nuk bindet do ketë gjobë deri në 5 milionë Lekë. E vetmja këshillë e përbashkët e institucioneve dhe mjekëve është që qytetarët të qendrojnë në shtëpi dhe të kenë sa më pak kontakte me të tjerët.

(k.m/dosja.al)

Shto Koment