Aktualitet

U deportua nga Greqia bashkë me dhjetra shqiptarë të tjerë/ Një 47-vjeçar dyshohet për koronavirus, kishte të gjitha SHENJAT klinike, niset për në karantinë

Ai bashkë me persona të tjerë janë dërguar me urgjencë në Shtëpinë e Pushimit në Durrës.
Featured image of article: U deportua nga Greqia bashkë me dhjetra shqiptarë të tjerë/ Një 47-vjeçar dyshohet për koronavirus, kishte të gjitha SHENJAT klinike, niset për në karantinë Foto ilustruese

KAKAVIJË– Një rast i dyshuar për koronavirus në Kakavijë. Një 47-vjeçar dyshohet për koronavirus pasi kishte shfaqur shenjat e para klinike.

I riu u deportua bashkë me 32 shqiptarë të tjerë në atdhe mëngjesin e sotëm nga pala greke, pasi ishin prangosur në shtetin fqinj pasi kishin shkelur procedurat e qëndrimit. 

Së bashku me 24 të deportuarit që janë sjellë në Shqipëri mbrëmjen e djeshme, të gjithë u janë nënshtruar  analizave nga inspektorët e Njësisë Vendore të Kujdesit Shëndetësor dhe të Inspektoriatit Shëndetësor Shtetëror të Gjirokastrës.

Për më shumë bëhu pjesë e grupit më viral në Facebook, Dosja.al

Por vetëm 47-vjeçari nga Shqipëria e Mesme demonstroi shenjat e para klinike të koronavirusit duke bërë që autoritetet shëndetësore të Gjirokastrës të marrin menjëherë masat për të. Të gjithë të deportuarit janë dërguar në qendrën karantinuese në Durrës, ku edhe do t’i bëhen të gjitha analizat për të zbuluar nëse janë mbartës të pandemisë apo jo.

Numri i prekurve me Covid-19 në vendin tonë ka shkuar në 76. Po kështu, 9 prej të infektuarëve janë mjekë dhe infermierë, një nga Spitali i Durrësit dhe të tjerët nga spitali “Shefqet Ndroqi”. Jeta në vend është paralizuar thuajse totalisht, nuk ka transport publik. Qytetarët sot e kanë ndaluar që të dalin nga shtëpia pasi ka hyrë në fuqi “ligji i luftës.”Qytetarët duhet të qëndrojnë brenda, ndërsa në rrugë ka dalë Ushtria dhe Policia. Kryeministri Edi Rama njoftoi sot se për të ruajtur rendin dhe parandalimin e përhapjes së COVID-19, do të përdoret edhe forca bashkë me gazin lotjsjellës. Ndërsa nga e hëna orari i i ri i lëvizjes është 05:00 me 13:00.

(k.m/dosja.al)

Shto Koment