Foto ilustruese
DIBËR– Zbulohet emri i të riut të vrarë dhe të përfshirëve të tjerë në sherrin me thika gjatë orëve të para të mëngjesit të sotëm.
29-vjeçari që ka humbur jetën është identifikuar si Dukagjin Plaku, ndërsa vëllai i tij po ashtu i përfshirë në sherr është Qazim Plaku.
Dy vëllezërit e tjerë të përfshirë në sherr, të cilët edhe kanë qëlluar me thika 29-vjeçarin janë Jurgen dhe Myrtezan Hysa.
Ngjarja ka ndodhur orët e para të mëngjesit të sotëm, ku pas konsumimit të alkoolit disa të rinj janë përplasur me njëri-tjetrin. Në njoftimin e policisë thuhet se sherri ka nisur pasi vëllai i viktimës, Qazimi, ka plagosur me thikë njërin prej autorëve.
Pas ngjarjes, të dy autorët e ngjarjes, Jurgeni dhe Myrtezani po ashtu dhe vëllai i viktimës, janë arrestuar.
(k.m/dosja.al)
