Politike

Konsensusi i 5 qershorit në Këshillin Politik për Kodin Zgjedhor, ja 7 ligjet që do ndryshojnë

Ditën e hënë depozitohen në Kuvend për t’ju nënshtruar procedurës parlamentare ndryshimet ligjore të 7 ligjeve.
Featured image of article: Konsensusi i 5 qershorit në Këshillin Politik për Kodin Zgjedhor, ja 7 ligjet që do ndryshojnë Mbledhja në Këshillin Politik, 20 korrik 2020

TIRANË- Produkti i këshillit politik në funksion të marrëveshjes së 5 qershorit dhe zbatimit të rekomandimeve të OSBE/ODHIR konsistonte ne: 1. Miratimin e amendimeve në ligjin ekzistues zgjedhor që do shërbejë për dy proceset e ardhshme elektorale.

2. Miratimin e amendimeve në 7 ligje të tjera përmes të cilave sanksionohen masa që adresojnë rekomandimet e OSBE/ODHIR, por edhe shqetësimet e opozitës jashtëparlamentare përtej thjesht rekomandimeve. Këtu përfshihen ndërhyrje në kodin penal, kodin e procedurës penale, ligjin e sinjalizuesve, ligjin e partive politike, ligjin për policinë, ligjin për prokurorinë, ligjin për statusin e gjyqtarëve.

3. Ligji i ri zgjedhor i cili do duhet të miratohet tani dhe hyn në fuqi për të ardhmen në 2023, pas dy proceseve të ardhshme zgjedhore. Pika e parë është votuar tashmë në Kuvend në 23 Qershor, pra amendimet e kodit zgjedhor ekzistues sipas marrëveshjes së 5 Qershorit.  Pika e dytë, shtatë ligjet morën dakordësinë finale nëmbledhjen e këshillit politik, të datës 23 Korrik.

Për më shumë bëhu pjesë e grupit më viral në Facebook, Dosja.al

Gazetari i Top Channel Muhamed Veliu raporton se ditën e hënë depozitohen në Kuvend për t’ju nënshtruar procedurës parlamentare ndryshimet ligjore të 7 ligjeve. Vlen për tu theksuar se këto ndryshime ligjore, kërkojnë shumicë të cilësuar ndaj sërish merr peshë roli i opozitës parlamentare.

Pika e tretë, pra ligji i ri zgjedhor që përcakton edhe depolitizimin e administratës zgjedhore pas dy proceseve të ardhshme është në fazën finale. Duhet të marrë dakordësinë përfundimtare nga këshilli politik dhe me pas kalon dhe ai për kuvend dhe votim.

(Marrë nga Top Channel)

Shto Koment