Aktualitet

“Kam punuar si punëtor ndërtimi në Itali”/ Konfirmohet në detyrë kreu i FLO-së, Sokol Bizhga, kishte probleme me pasurinë

Komisioni i Jashtëm i Vlerësimit ka konfirmuar në detyrë Sokol Bizhgën, kreun e FLO-së. Ky i fundit kishte probleme me pasurinë.
Featured image of article: “Kam punuar si punëtor ndërtimi në Itali”/ Konfirmohet në detyrë kreu i FLO-së, Sokol Bizhga, kishte probleme me pasurinë Komisioni i Jashtëm i Vlerësimit

Tiranë- Sokol Bizhga, kreu i Forcave Lëvizëse Operacionale në Policinë e Shtetit është konfirmuar në detyrë nga Komisioni i Jashtëm i Vlerësimit. Fillimisht u deklarua se ai kishte probleme me pasurinë dhe gradën, por KJV mori vendimin që kreu i FLO-së, Sokol Bizhga të konfirmohet në detyrë. Ai kaloi me sukses të tre kriteret, atë të pasurisë, pastërtisë së figurës dhe aftësive profesionale.

 

Problemi me pasurinë:

Për më shumë bëhu pjesë e grupit më viral në Facebook, Dosja.al

Bizhga zotëron një apartament 1+1, 64 m2, një apartament 94 m2 në Durrës në emër të bashkëshortes në 2006, dyqan 52 m2 në Durrës, banesë dhe tokë në Gjirokastër në emër të djalit të tij dhe dy depozita bankare. Në seancën e fundit të Vettingun ai u shpreh se ka punuar në ndërtim në Itali dhe kështu ka siguruar të ardhurat për këto pasuri. Sa i përket vlerësimt dhe pastërtinë e figurës, Komisioni i Jashtëm i Vlerësimit është shprehur se Sokol Bizhga nuk ka të dhënë për veprimtari kriminale nuk ka kontakte me botën e krimit. Madje ka pasur edhe arritje në jetën profesionale.

Pak muaj më parë  u konfirmua në detyrë nëndrejtori i Përgjithshëm i SHÇBA-së , Adriatik Ago. Me sukses ka kaluar Vettingun edhe Ardi Veliu, Drejtorit i Përgjithshëm i Policisë së Shtetit. Ndërkohë pak javë më parë Komisioni i Jashtëm i Vlerësimit shkarkoi nga detyra ish-drejtuesin e Inspektimit dhe Ankesave në SHÇBA, Oltion Shehun. Shehu u penalizua pasi nuk justifikonte dot shpenzimet në raport me të ardhurat e tij, të cilat kapnin shumën e rreth 1.4 milion lekëve. Më 4 mars kaloi me sukses Vettingun Arben Dashi, drejtori i Krimeve ndaj Personit dhe Pasurisë.

J.V/Dosja.al

Shto Koment