Rajoni

Konfirmohet dhe një rast tjetër me COVID-19 në Kosovë, shkon në 91 numri i të prekurve

Rasti pozitiv është rast kontakti, me vendbanim në Prishtinë.
Featured image of article: Konfirmohet dhe një rast tjetër me COVID-19 në Kosovë, shkon në 91 numri i të prekurve Foto ilustruese

KOSOVË- Instituti Kombëtar i Shëndetësisë Publike të Kosovës ka konfirmuar sot në mbrëmje dhe një rast të ri të konfirmuar me COVID-19. Me këtë pacientë të ri numri i të infektuarve me koronavirus ka shkuar në 91.

Laboratori i Mikrobiologjisë Molekulare shprhet se në mbrëmje ka testuar edhe 8 mostra, prej të cilave një ka rezultuar pozitive. Rasti pozitiv është rast kontakti, me vendbanim në Prishtinë.

NJOFTIMI I PLOTË

Për më shumë bëhu pjesë e grupit më viral në Facebook, Dosja.al

Sot me 28.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar (8) mostra të marra nga rastet në terren dhe nga rastet e hospitalizuara në Klinikën Infektive. Nga mostrat e marra për testim në virusin SARS-CoV-2, një prej tyre ka rezultuar pozitiv. Rasti pozitiv është rast kontakti, me vendbanim në Prishtinë.Nga data 08.02.2020 deri me 28.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 1.037 mostra të dyshimta në virusin SARS-CoV-2 dhe prej tyre, pozitive rezultojnë gjithsej nëntëdhjetë e një (91) raste me një (1) rast të vdekjes i një të moshuari 82 vjeç.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome. Deri më sot janë kontaktuar dhe janë nën mbikëqyrje 1.917 kontakte të rasteve.

(A.B. Dosja.al)

Shto Koment