Politike

Konferenca e donatorëve, Rama takohet në Gjermani me Princin e Arabisë Sudite

Gjatë vizitës së tij në Gjermani, në kuadër të Konferencës së donatorëve që do të mbahet më datë 17 shkurt, Rama u takua edhe me princin Faisal bin Farhan Al-Saud njëherësh dhe Ministër i Jashtëm i Arabisë Saudite.
Featured image of article: Konferenca e donatorëve, Rama takohet në Gjermani me Princin e Arabisë Sudite Rama dhe princi i Arabisë Saudite
Përditësuar:

GJERMANI– Kryeministri Edi Rama është takuar me Princin e Arabisë Saudite. Gjatë vizitës së tij në Gjermani, në kuadër të Konferencës së donatorëve që do të mbahet më datë 17 shkurt, Rama u takua edhe me princin Faisal bin Farhan Al-Saud njëherësh dhe Ministër i Jashtëm i Arabisë Saudite.

“Me Princin Faisal bin Farhan Al-Saud, Ministri i Jashtëm i Arabisë Saudite, për Rindërtimin dhe Konferencën e Donatorëve ditën e hënë në Bruksel,”- shkruan Rama krahas një fotoje me Princin e Arabisë Saudite, të cilën e ka publikuar në Facebook. 

Konferenca e Donatorëve do të mbahet në Bruksel në datën 17 shkurt, ku do marrin pjesë mbi 100 shtete, por edhe Banka Botërore me Fondin Monetar Ndërkombëtar dhe organizata të tjera. Qeveria shqiptare ka zhvilluar pak ditë më parë një konference ku ka bërë me dije dhe dëmet e tërmetit dhe ka publikuar një botim me të gjitha detajet e dëmeve të tërmetit. Fatura e dëmeve të tërmetit ishte gati 1 miliardë Euro. Konferenca e Donatorëve do të organizohet nga Presidentja e Komisionit Europian, Ursula Von der Leyen, e cila do at hapë atë bashkë me kryeministrin Edi Rama dhe Presidentin e Këshillit Europian Charles Michel. Dosja.al zbardhi edhe detaje nga axhenda e konferencës me sloganin “Bashkë për Shqipërinë”. 

Për më shumë bëhu pjesë e grupit më viral në Facebook, Dosja.al

(f.m/dosja.al)

Shto Koment