Politike

Partia Republikane çon në Gjykatën Kushtetuese vendimin e Komitetit Teknik: Krijon pabarazi politike në një kohë që jemi në proces zgjedhor

  • Partia Republikane dërgon në Gjykatën Kushtetuese vendimin e ekspertëve
  • Përballë mediave Mediu u shpreh se ky vendim bie ndesh me Kushtetutën pasi krijon pabarazi në një kohë që duhet të jenë në proces zgjedhor.
    Featured image of article: Partia Republikane çon në Gjykatën Kushtetuese vendimin e Komitetit Teknik: Krijon pabarazi politike në një kohë që jemi në proces zgjedhor Fatmir Mediu
    Përditësuar:

    TIRANË– Kreu i Partisë Republikane, Fatmir Mediu ka dërguar në Gjykatën Kushtetuese vendimin e Komitetit Teknik të Ekspertëve për ndalimin e tubimeve politike.

    Përballë mediave ai u shpreh se ky vendim bie ndesh me Kushtetutën pasi krijon pabarazi në një kohë që duhet të jenë në proces zgjedhor.

    “Vendimi për ndalimin e aktiviteteve politike bie ndesh me Kushtetutën, krijon pabarazi politike në një kohë që jemi në proces zgjedhor. Partive politike u mohohet kjo e drejtë dhe më problematike është mungesa e barazisë. Sot kemi përcjellë në Gjykatës Kushtetuese një kërkesë për të hedhur poshtë një vendim që ndihmon manipulimin që tashmë ka filluar në mënyrë të njëanshme dhe të qëllimshme”, tha Mediu nga Kushtetuesja.

    Për më shumë bëhu pjesë e grupit më viral në Facebook, Dosja.al

    Partia Republikane vendosi ditën e djeshme që të dërgojë në Gjykatën Kushtetuese kërkesën që është bërë nga Komisioni Teknik për të ndaluar tubimet dhe mbledhjet e më shumë se 10 personave. Nëpërmjet një deklarate për mediat partia kërkoi që njerëzit të mos kufizohen dhe tu garantohen të drejtat e liritë që kanë. Ata u shprehen se kjo nuk i lejon qytetarët që të kenë kontakt me botën e politikës. Madje PR shtoi se parlamenti dhe politikanët duhet të zbatojnë disa rregulla dhe qytetarët disa të tjera.

    (A.B)/Dosja.al

    Shto Koment