Aktualitet

Zbardhet vrasja e dyfishtë në Mirditë/ U lirua para një viti nga burgu, kush është ish-dhëndrri që ekzekutoi vëlla e motër para oborrit të shtëpisë

Koleci kishte vetëm një vit që ishte liruar nga burgu. Ai ishte denoncuar për dhunë nga bashkëshortja e tij, me të cilën më pas është divorcuar. Por mbrëmjen e sotme, Fatmir Koleci ka marrë armën dhe ka shkuar në banesën e Fran Filopatit, në lagjen Zall në Kodër Rëshen dhe ekzekutoi motër e vëlla. 
Featured image of article: Zbardhet vrasja e dyfishtë në Mirditë/ U lirua para një viti nga burgu, kush është ish-dhëndrri që ekzekutoi vëlla e motër para oborrit të shtëpisë Foto ilustruese
Përditësuar:

MIRDITËDosja.al ka zbardhur vrasjen e dyfishtë që tronditi Mirditën mbrëmjen e sotme, ku mbetën të vdekur vëlla e motër, Esmeralda dhe  Vladison Filopati. Burime nga vendi i ngjarjes bëjnë me dije për Dosja.al se autori i krimit të dyfishtë është Fatmir Koleci, ish-bashkëshorti i viktimës, Valmira Filopatit.

Koleci kishte vetëm një vit që ishte liruar nga burgu. Ai ishte denoncuar për dhunë nga bashkëshortja e tij, me të cilën më pas është divorcuar. Por mbrëmjen e sotme, Fatmir Koleci ka marrë armën dhe ka shkuar në banesën e Fran Filopatit, në lagjen Zall në Kodër Rëshen dhe ekzekutoi motër e vëlla. Pas krimit, Fatmir Koleci është larguar nga vendi i ngjarjes, ndërkohë që mësohet se forcat RENEA kanë rrethuar të gjithë zonën.

Edison Filopati kishte vetëm pak ditë që ishte kthyer nga Italia.

Për më shumë bëhu pjesë e grupit më viral në Facebook, Dosja.al

Motër e vëlla, Vladison dhe Esmeralda Filopati janë vrarë me armë zjarri nga ish-dhëndrri i familjes në oborrin e shtëpisë së tyre. Ngjarja ka ndodhur mbrëmjen e sotme në Mirditë, ndërsa Policia bën me dije se autori i ngjarjes është Fatmir Koleci.

Ky i fundit ka qëlluar mbi dy të rinjtë dhe më pas është larguar me urgjencë nga vendi i ngjarjes. Pas identifikimit të tij, menjëherë ka nisur krehja e zonës për ta ndaluar autorin.

(f.m/dosja.al)

Shto Koment