Politike

Kolegji Zgjedhor rrëzon Metën, ‘Zgjidhja’: 30 qershori të shmanget me çdo kusht

Në një reagim kjo parti shprehet se nuk duhet që të kemi votime farsë, por një zgjidhje poltike që të jetë afargjatë.
Featured image of article: Kolegji Zgjedhor rrëzon Metën, ‘Zgjidhja’: 30 qershori të shmanget me çdo kusht Zgjidhja dhe Kolegji Zgjedhor

TIRANË- Partia ‘Zgjidhja’ me anë të një deklarate për shtyp ka reaguar në lidhje me vendimin e Kolegjit Zgjedhor që rrëzoi dekretin e Presidentit, Ilir Meta. Në një reagim kjo parti shprehet se nuk duhet që të kemi votime farsë, por një zgjidhje poltike që të jetë afargjatë.

“‘Zgjidhja’ e kishte mbështetur vendimin e kreut të shtetit si një akt politik pozitiv, që u jepte kohë palëve politike për t’u ulur dhe për të gjetur një zgjidhje paqësore, si e vetmja rrugë e mençur dhe e duhur që duhej bërë në këtë situatë”, shtohet më tej.

DEKLARATA E PLOTË

Jo votime farsë, por një zgjidhje politike afatgjatë

Kolegji Zgjedhor hodhi poshtë sot kërkesën e Partisë Uniteti Kombëtar për çregjistrimin nga zgjedhjet e 30 qershorit, duke lënë në fuqi vendimin e KQZ-së dhe duke rrëzuar dekretin e Presidentit që anulonte zgjedhjet vendore.

‘Zgjidhja’ e kishte mbështetur vendimin e kreut të shtetit si një akt politik pozitiv, që u jepte kohë palëve politike për t’u ulur dhe për të gjetur një zgjidhje paqësore, si e vetmja rrugë e mençur dhe e duhur që duhej bërë në këtë situatë.

Por qeveria e Rilindjes e dogji edhe këtë mundësi për t’i dhënë vendit një zgjidhje politike. Ajo nuk iu përgjigj thirrjes për një Pakt të madh Kombëtar, për një marrëveshje gjithëpërfshirëse, që do të niste reformimin e madh politik dhe demokratizues. 

 ‘Zgjidhja’ këmbëngul se 30 qershori duhet shmangur me çdo kusht. Vendi nuk ka nevojë për votime farsë, por për një zgjidhje politike afatgjatë. Ajo do të mbështesë, në ditët në vijim, çdo projekt që çon në reformimin e kushtetutës dhe të zgjedhjeve dhe që u ofron shqiptarëve jo një rotacion pushteti, por demokratizimin e Shqipërisë.

Kolegji Zgjedhor rrëzoi sot dekretin e Presidentit Ilir Meta. Vendimi i Kolegjit ende nuk është zbardhur për argumentet që Kolegji ka marrë për bazë për rrëzimin e këtij dekreti, por kjo ishte përballja e parë e dekretit të Metës për anulimin e zgjedhjeve me një institucion në mungesë të gjykatës Kushtetuese.

(A.B. Dosja.al)

Një Koment në “Kolegji Zgjedhor rrëzon Metën, ‘Zgjidhja’: 30 qershori të shmanget me çdo kusht

  1. Nuk shohin apo nuk duan të shohin?! Nuk dëgjon apo nuk do të dëgjojë ZGJIDHJA?! Kush i ka vënë kushte dialogut? Pra, kush nuk e do dialogun?

Shto Koment