Sport

Kokëdhima zbulon 3 skenarët e Ligës…

"Shpresojmë që kërkesat tona të plotësohen. Nëse s’ndodh kjo, mund ta nisim futbollin në prill të 2021-shit, me sistem grumbullimi për të mos humbur Europën"
Featured image of article: Kokëdhima zbulon 3 skenarët e Ligës…
Përditësuar:

TIRANE – Një prej 10 presidentëve të Ligës Profesioniste të Futbollit, Koço Kokëdhima, i pyetur se kur mund të nisë sezoni i futbollit shqiptar, nuk ka dalë nga “rreshti”. I vendosur, ai ka deklaruar, se nëse Qeveria nuk përmbush kushtet e kërkuara nga Liga, atëherë duhet pritur ende gjatë, që topi i futbollit shqiptar të rrokulliset në fushat e gjelbërta.

“Nëse qeveria nuk plotëson kushtet e Ligës Profesioniste, atëherë janë në lojë disa plane. E para dhe më kryesorja, shpresojmë që kërkesat tona të plotësohen për të nisur menjëherë futbollin. Nëse s’ndodh kjo, mund ta nisim futbollin në prill të 2021-shit në një formulë tjetër me sistem grumbullimi për të mos humbur Europën. Një plan tjetër është të fillojmë futbollin në muajin janar, duke e bërë me dy faza”.

Kështu ka deklaruar presidenti i Apolonisë, Koço Kokëdhima, në një lidhje direkte për emisionin “Sport Time” në Supersport, duke rrëfyer edhe tri skenarët e mundshëm për të mos humbur sezonin futbollistik 2020-2021.

Për më shumë bëhu pjesë e grupit më viral në Facebook, Dosja.al

B.T. (Dosja.al)

 

Shto Koment