Aktualitet

Klodiana Lala: Ilir Zelka ishte peng në Brazil, ishte lënë si garanci

Ajo shtoi se sipas SPAK, 47-vjeçari nuk ka asnjë lloj rekordi kriminal, por që përmes kompanisë që kishte në Çeki ka bërë transaksione të mëdha parash, gjë që ngre dyshime për aktivitetin e shqiptarit.
Featured image of article: Klodiana Lala: Ilir Zelka ishte peng në Brazil, ishte lënë si garanci Klodiana Lala

TIRANË– Gazetarja Klodiana Lala ka treguar motivet qëe kishin çuar Ilir Zelkën, 47-vjeçarin që u ekzekutua dy ditë më parë, në Brazil. E ftuar në “Opinion”, Lala tha se Zelka ishte lënë si një lloj garancie në atë vend.

Ajo shtoi se sipas SPAK, 47-vjeçari nuk ka asnjë lloj rekordi kriminal, por që përmes kompanisë që kishte në Çeki ka bërë transaksione të mëdha parash, gjë që ngre dyshime për aktivitetin e shqiptarit.

“Kartelet atje i kanë të pikasur dhe të lokalizuar personat që shkojnë për trafik droge apo që bëjnë lidhje. SPAK më ka dhënë informacione që ky person nuk ka qenë i skeduar, nuk kishte hetim pasuror për të. Dyshohet se përmes kësaj kompanie që kishte në Çeki janë bërë transaksione të mëdha parash. Nuk ka rekord të hapur në prokurori Ilir Zelka. Ky ishte peng atje, një lloj garancie,”- tha Lala.

Për më shumë bëhu pjesë e grupit më viral në Facebook, Dosja.al

Ilir Zelka u vra mëngjesin e dy ditëve më parë teka ndodhej në një nga lokalet më luksoze të zonës në Brazil. Një ditë më parë, mediat vendase publikuan edhe momentin e ekzekutimit. Ai ndodhej në lokal kur një person me kokore motori është afruar, e ka qëlluar me katër plumba, e ka lënë të vdekur dhe është larguar.

(f.m/dosja.al)

Shto Koment