Aktualitet

“Kishte dijeni se kultivoheshin bime narkotike”, Policia e Vlorës: Dy të arrestuar, mes tyre kryeplaku i fshatit, një në kërkim

Policia ka bërë me dije se ka arrestuar K. F. 62 vjec dhe ka shpallur në kërkim F. R, 56 vjeç, pasi dyshohen se kanë kultivuar bimë narkotike, ndërsa kryeplaku i fshatit akuzohet se ka patur dijeni për kultivimin, dhe nuk ka kallëzuar në polici.
Featured image of article: “Kishte dijeni se kultivoheshin bime narkotike”, Policia e Vlorës: Dy të arrestuar, mes tyre kryeplaku i fshatit, një në kërkim Foto ilustruese

VLORË– Policia e Vlorës ka arrestuar 2 persona mes tyre edhe kryeplakun e fshatit Drashovicë në Vlorë, me pretendimin se ai ka pasur dijeni që në zonën e tij administrative kultivohej lëndë narkotike dhe nuk e ka lajmëruar Policinë. Ndërsa në kërkim ëshët shpallur pronari i tokës.

Policia ka bërë me dije se ka arrestuar K. F. 62 vjec dhe ka shpallur në kërkim F. R, 56 vjeç, pasi dyshohen se kanë kultivuar bimë narkotike, ndërsa kryeplaku i fshatit akuzohet se ka patur dijeni për kultivimin, dhe nuk ka kallëzuar në polici.

NJOFTIMI I PLOTË:

Vlorë

Evidentohen dhe goditen tre raste të tjera të tentativës për kultivim të bimëve narkotike në fshatin Drashovicë.

Vihen në pranga dy shtetas, ndërsa një tjetër shpallet në kërkim.

Në vijim të kontrollit të pandërprerë të territorit, me qëllim parandalimin, evidentimin dhe goditjen e rasteve të tentativës për kultivim të bimëve narkotike, shërbimet e Policisë kanë konstatuar të kultivuara disa bimë kanabis në tre vende të ndryshme në fshatin Drashovicë të Selenicës.

Për më shumë bëhu pjesë e grupit më viral në Facebook, Dosja.al

Në përfundim të veprimeve hetimore, Policia ka vënë para përgjegjësisë penale autorët e implikuar në këtë veprimtari të paligjshme:

• Është arrestuar shtetasi K. F., 62 vjeç, banues në fshatin Drashovicë, pasi dyshohet se ka kultivuar disa bimë narkotike në një përrua në fshatin Drashovicë.

• Është shpallur në kërkim shtetasi F. R., 56 vjeç, banues në fshatin Drashovicë, pasi në livadhet e Drashovicës dyshohet se ka kultivuar disa bimë narkotike kanabis, të cilat janë asgjësuar.

• Është arrestuar shtetasi M. R., 53 vjeç, banues në fshatin Drashovicë, me detyrë kryetar i fshatit Drashovicë, pasi dyshohet se ka patur dijeni për rastet e kultivimit dhe nuk ka kallëzuar në Polici.

Materialet i kaluan Prokurorisë Vlorë, për veprime të mëtejshme.

(k.m/dosja.al)

Shto Koment