Bota

Kina propozon një sistem global të kodit QR për të kontrolluar lëvizjen e njerëzve, Xi Jinping: Vetëm kështu mund ta frenojmë Covid-19

Kina urdhëroi përdorimin e gjerë të certifikatave shëndetësore të bazuara në kodet QR në fillim të këtij viti. Ky sistemi, i cili përdor një barkod elektronik për të ruajtur historinë e udhëtimit dhe shëndetit të një personi, është vlerësuar se ka ndihmuar në frenimin e përhapjes së virusit.
Featured image of article: Kina propozon një sistem global të kodit QR për të kontrolluar lëvizjen e njerëzve, Xi Jinping: Vetëm kështu mund ta frenojmë Covid-19 Kinë Xi Jinping
Përditësuar:

PEKINË- Presidenti i Shtetit në Kinë Xi Jinping ka sugjeruar një sistem global gjurmimi për Covid-19 duke përdorur kodet QR, për të ndihmuar udhëtimimet e shpejta ndërkombëtare dhe biznesin gjatë pandemisë së koronavirusit.

Kina urdhëroi përdorimin e gjerë të certifikatave shëndetësore të bazuara në kodet QR në fillim të këtij viti. Ky sistemi, i cili përdor një barkod elektronik për të ruajtur historinë e udhëtimit dhe shëndetit të një personi, është vlerësuar se ka ndihmuar në frenimin e përhapjes së virusit.

Kodi u lëshon përdoruesve një sinjal me ngjyra bazuar në ekspozimin e tyre të mundshëm ndaj koronavirusit. Ngjyrat janë si semaforët, jeshilja është më e sigurta, pastaj portokalli dhe së fundmi e kuqja.

Sakaq, Xi Jinping ka folur në takimin e udhëheqësve virtualë të G20, ku ka thënë  se për të siguruar funksionimin e qetë të ekonomisë botërore gjatë pandemisë, vendeve u duhet të bashkohen në këtë mekanizëm.

Për më shumë bëhu pjesë e grupit më viral në Facebook, Dosja.al

“Kina ka propozuar një mekanizëm global mbi njohjen reciproke të certifikatave shëndetësore bazuar në rezultatet e provave të acidit nukleik në formën e kodeve QR të pranuara ndërkombëtarisht. Shpresojmë që më shumë vende të bashkohen me këtë mekanizëm”, tha Xi.

Xi nuk tha në mënyrë të qartë se çfarë lloji të aplikacionit ose sistemit të kodit QR po sugjeronte ose kush do ta projektonte dhe drejtonte atë. Megjithatë, disa vende kanë futur teknologjinë e aplikacioneve për të ndjekur lëvizjet e qytetarëve dhe ekspozimin e mundshëm ndaj Covid-19, duke përfshirë Australinë, Japoninë dhe Singaporin, por nuk ka asnjë koordinim midis sistemeve edhe pse ato kanë pasur sukses.

Një studim nga Universiteti i Oksfordit i zhvilluar në muajin prill zbuloi se nëse edhe vetëm 56% e popullsisë së një vendi do të përdorte një aplikacion gjurmimi, mund të ndalohej përhapja e Covid-19. Por, duke pasur parasysh shqetësimin në rritje nga vendet të ndryshme rreth përdorimit të teknologjisë kineze në industri, ka të ngjarë të ketë pyetje serioze se si do të funksiononte një sistem QR i zhvilluar në Pekin.

(k.a/dosja.al)

Shto Koment