Politike

‘Do jepni llogari’, Yuri Kim ‘mbledh’ Ramën, Bashën e Metën: Presim që udhëheqësit shqiptarë të sillen në mënyrë të përgjegjshme

  • Rama pas takimit me Yuri Kim: Faleminderit ambasadore
  • Ambasadorja Yuri Kim që ka zbuluar detaje nga takimi duke u shprehur se me kryeministrin Edi Rama, presidentin Ilir Meta dhe me kryedemokratin Lulzim Basha ka diskutuar edhe për pritshmëritë që SHBA-të kanë për llogaridhënien gjatë procesit të rindërtimit.
    Featured image of article: ‘Do jepni llogari’, Yuri Kim ‘mbledh’ Ramën, Bashën e Metën: Presim që udhëheqësit shqiptarë të sillen në mënyrë të përgjegjshme Edi Rama, Yuri Kim, Ilir Meta dhe Lulzim Basha

    TIRANË- Ambasadorja amerikane në Shqipëri Yuri Kim ka zhvilluar një takim me zyrtarët më të lartë të vendit lidhur me zhvillimet e fundit në vend dhe pritshmëritë që kanë SHBA-të nga politika në vend. Ka qënë vetë ambasadorja ajo që ka zbuluar detaje nga takimi duke u shprehur se me kryeministrin Edi Rama, presidentin Ilir Meta dhe me kryedemokratin Lulzim Basha ka diskutuar edhe për pritshmëritë që SHBA-të kanë për llogaridhënien gjatë procesit të rindërtimit.

    “Muajt e ardhshëm, duke treguar pjekuri, respekt për institucionet dhe besim në proceset demokratike. Presim që udhëheqësit shqiptarë të sillen në mënyrë të tillë që të jetë e përgjegjshme dhe për të mirën e popullit shqiptar,“-shprehet ndër të tjera Kim.

    Për më shumë bëhu pjesë e grupit më viral në Facebook, Dosja.al

    Sot u takova me Kryeministrin Edi Rama, Presidentin Ilir Meta dhe Kryetarin e Partisë Demokratike Lulzim Basha për të diskutuar mbi zhvillimet e fundit dhe pritshmëritë e Shteteve të Bashkuara. Për sa i përket specifikisht, konferencës së donatorëve në Bruksel, ne besojmë se ajo pasqyron solidaritetin, mbështetjen dhe dëshirën e komunitetit ndërkombëtar për ta ndihmuar popullin shqiptar në përpjekjet e rindërtimit pas tërmetit. Diskutuam gjithashtu edhe për pritshmëritë për transparencë dhe llogaridhënie përgjatë gjithë këtij procesi. Përveç konferencës së donatorëve, diskutova edhe për hapat e rëndësishëm që Shqipëria duhet të ndërmarrë në javët e muajt e ardhshëm, duke treguar pjekuri, respekt për institucionet dhe besim në proceset demokratike. Presim që udhëheqësit shqiptarë të sillen në mënyrë të tillë që të jetë e përgjegjshme dhe për të mirën e popullit shqiptar. Ne e sigurojmë popullin shqiptar se ne do të jemi aty për të vëzhguar dhe kontribuar”, është ky reagimi i plotë i Ambasadës së SHBA.

    Pak ditë më parë u zhvillua në Bruksel, Konferenca e Donatorëve të Europës, ku morën pjesë rreth 100 vende. Nga kjo konferencë Shqipëria doli me 1.15 miliardë fonde, ku pjesa më e madhe ishin kredi. Vendet që dhuruar para për Shqipërinë, por dhe SHBA dhe BE këmbëngulën për transparencë. Pas konferecnës politika shqiptare u kthye sërish në të përditshmen e saj, ku Presidenti dhe opozita kërkojnë popullin në shesh në 2 mars, për atë që ata e quajnë ndaljen e grushtit të shtetit që po bën maxhoranca. 
    (K.M. Dosja.al)

    Shto Koment