Politike

Këshilli Politik/ PD: Të pezullohet Vetting-u për gjyqtarët e Kolegjit Zgjedhor. Gjiknuri: Kemi arritur konsensus për disa çështje

  • Bylykbashi pas mbledhjes së Këshillit Politik: Propozimet tona janë të rëndësishme
  • Gjiknuri pas takimit me opozitën: Kemi arritur konsensus për disa çështje
  • Vasili: Gjiknuri po provokon, kërkon pengimin e propozimeve të opozitës
  • Propozimi është paraqitur sot në takimin e punës së Këshillit Politik për Reformën Zgjedhore, ku kërkohet që të pezullohet procesi i rivlerësimit për të gjithë gjyqtarët e Kolegjit Zgjedhor që ata të mos jenë nën presion. Propozimi është diksutuar sot dhe ende nuk dihet nëse do arrihet konsensus për të apo jo.
    Featured image of article: Këshilli Politik/ PD: Të pezullohet Vetting-u për gjyqtarët e Kolegjit Zgjedhor. Gjiknuri: Kemi arritur konsensus për disa çështje Këshilli Politik

    TIRANË- Këshilli Politik ka zhvilluar sot mbledhjen e radhës të Reformës Zgjedhore, ku opozita në tryezë ka propozuar një moratorium 4-vjeçar për gjyqtarët e Kolegjit Zgjedhor që Vettingu i tyre të nisë pas përfundimit të mandatit. Opozita ka paraqitur një draft ligjor, që sipas tyre synohet zbatimi i rekomandimit prioritar të ODIHR-it për këtë çështje, duke nxjerrë jashtë presionit të Vetting-ut gjykatën që do të vendosë për ankesat e procesit. Propozimi është paraqitur sot në takimin e punës së Këshillit Politik për Reformën Zgjedhore, ku kërkohet që të pezullohet procesi i rivlerësimit për të gjithë gjyqtarët e Kolegjit Zgjedhor që ata të mos jenë nën presion.

    Kjo kërkesë është bërë pasi ODIHR në raportin e tij shkroi se Kolegji Zgjedhor ishte nën presionin e vetingut dhe për këtë shkak nga 8 anëtarë, ai mori vendime me 6 anëtarë. Prishja e këtij mekanizmi ndikon negativisht për një proces të lirë dhe demokratik. Gjithashtu, ODIHR vuri në dukje se, për shkak të vetingut, edhe Gjykata Kushtetuese nuk ishte funksionale dhe nuk mundi të shqyrtojë çështje të karakterit kushtetues në raport me zgjedhjet. Për këto arsye, ODIHR bëri rekomandimin prioritar, i cili kërkon që reforma zgjedhore të garantojë një gjykatë funksionale dhe të pavarur në procesin zgjedhor.

    Dosja.al mëson se sipas llogarive të opozitës, moratoriumi prek një numër të papërfillshëm të gjyqtarëve 2-4 përqind të tyre, në varësi të numrit të anëtarëve të kësaj trupe 8 ose 15. Aktualisht, Kolegji Zgjedhor krijojet nga gjyqtarë të Apelit dhe ata janë në veting prioritar. Pas takimit kanë folur dhe Oerd Bylykbashi dhe Damian Gjiknuri ku thanë se po vijojnë diskutimet për të arritur një konsensus për të gjitha çështjet. 

    Për më shumë bëhu pjesë e grupit më viral në Facebook, Dosja.al

    TRYEZA E ZGJEDHORES

    Më 14 janar opozita dhe maxhoranca arritën në një konsensus për Reformën Zgjedhore. Palët kanë rënë dakord që reforma të bëhet me konsensus dhe të ‘nxirret’ nga Kuvendi, për të marrë pjesë dhe opozita jashtëparlamentare. Tryeza e parë e palëve për Reformën Zgjedhore themeloi dhe Këshillin Politik, që përbëhet nga Damian Gjiknuri, Rudina Hajdari, Oerd Bylykbashi dhe Petrit Vasili. 4 anëtarët e Këshillit Politik janë mbledhur disa herë, ku kanë miratuar dhe një kalendar për punën e tyre që do zgjasë deri më 15 mars, ditë kur duhet duhet votuar dhe Reforma Zgjedhore. Këshilli Politik, bashkë me eksperët brenda dhe jashtë partive si dhe me ndihmën e OSBE-ODIHR do të diskutojnë dhe do gjejnë zgjidhje për 13 tema, përfshirë këtu edhe dekriminalizimin, dhe burimet e financimit, por dhe sistemin zgjedhor. 

    (A.B. Dosja.al)

    Shto Koment