Politike

Shkarkohet mes debatesh Armand Tragaj, zëvendësohet nga Dorina Milja: Vendim politik

  • U shkarkua pas sherrit me kreun e PS Durrës, flet Armand Tragaj: Vendim politik
  • Debate ashpra në Këshillin Bashkiak të Durrësit, anëtarët lënë Sakon me ‘fjalë në gojë’: S’jep dot urdhëra ti
  • Gjatë fjalës së tij para Këshillit Bashkiak, Tragaj deklaroi se shpresonte që votimi për shkarkimin e tij të ishte votimi i fundit politik dhe votimet e tjera të këshilltarëve të jenë në interes të qytetarëve.
    Featured image of article: Shkarkohet mes debatesh Armand Tragaj, zëvendësohet nga Dorina Milja: Vendim politik Armand Tragaj

    DURRËS– Këshilli Bashkiak Durrës miratoi sot shkarkimin e sekretarit Armand Tragaj pas sherrit me kreun e PS-së, Luan Zaza.

    Burime për Dosja.al bëjnë me dije se në mbledhjen e pasdites së sotme, këshilltarët mes debatesh të shumta votuan shkarkimin e Tragajt si pjesë e Këshillit Bashkiak.

    Kryetari i Këshillit Ani Dyrmishi deklaroi të mbyllur mbledhjen dhe u ngrit dhe doli nga salla. Veprimi i tij u pasua edhe nga këshilltarët e tjerë, ndërkohë që kryetarja Sako vazhdonte fliste.

    Armand Tragaj u zëvendësua nga Dorina Milja.

    Për më shumë bëhu pjesë e grupit më viral në Facebook, Dosja.al

    Gjatë fjalës së tij para Këshillit Bashkiak, Tragaj deklaroi se shpresonte që votimi për shkarkimin e tij të ishte votimi i fundit politik dhe votimet e tjera të këshilltarëve të jenë në interes të qytetarëve.

    “Luftën politike e keni brenda kësaj salle. Do të vazhdoj të kontribuoj për vendin tim, jo si pjesë e politikës. Më vjen keq që nuk do të jem më pjesë e bashkisë”, u shpreh Tragaj, ku theksoi se do të vazhdonte të kontribuonte për qytetin.

    (a.m/dosja.al)

    • 23:10

      Debate të ashpra në Këshillin Bashkiak të Durrësit/ Petro Vokopola: Spektakël i shëmtuar i rilindjes

      Ish-kandidati për Këshillin Kombëtar të Partisë Demokratike, Petro Vokopola ka reaguar për shkarkimin e sekretarit të Këshillit Bashkiak në Durrës, Armand Tragaj.

      Përmes një postimi në Facebook, Vokopola shprehet se rilindja gjendet në një krizë të thellë morale. Debatin në mbledhjen e Këshillit, Vokopola e cilëson si një spektakël I turpshëm.

      Postimi i plotë i Petro Vokopolës:

      Si kurre me pare, sot ne mbremje qytetaret durresak pane spektaklin me te shemtuar te drejtuesve te Bashkise se tyre. Me ze e figure pame krizen e thelle morale ne te cilen gjendet “rilindja”! Lufte per pushtet dhe asnje fjale e vendim per problemet imediate qe per hir se vertetes nuk jane te pakta!
      Partia Demokratike mbetet e pa lekundur ne betejen saj te zgjedhjeve te parakoheshme, qendrore dhe ato vendore, per rikthimin e institucioneve ne sherbim te njerzve, ate te rikthimit te dinjitetit institucional!

    • 20:23

      U shkarkua pas sherrit me kreun e PS Durrës, flet Armand Tragaj: Vendim politik, do kontribuoj prapë për vendin

      Armand Tragaj

      Pasi u shkarkua ditën e djeshme pas sherrit me kreun e PS  në bashkinë e Durrësit, Luan Zaza, ka reaguar vetë sekretari i Këshillit Bashkiak në Durrës, Armand Tragaj.

      Tragaj pas mbledhjes së këshillit bashkiak ka deklaruar se ky ishte një vendim politik dhe se pavarësisht kësaj, ai do të vazhdojë kontribuojë për vendin, por jo si pjesë e politikës.

      “Ky vendimi ishte me ndikim politik, jo nga Këshilli. Do të vazhdoj të kontribuoj për vendin tim, jo si pjesë e politikës. Më vjen keq që nuk do të jem më pjesë e bashkisë”, u shpreh Tragaj.

    • 20:20

      Debate dhe tone të ashpra në Këshillin Bashkiak të Durrësit, anëtarët lënë Sakon me fjalë në gojë: S'jep dot urdhëra ti

      Mbledhja e Këshillit Bashkiak në Durrës është shoqëruar nga debate të ashpra pasi kryetarja është konfliktuar me këshilltarët për pikën 4 të rendit të ditës “Për miratimin e përdorimit të fondit prej 117,736,220 lekë të kursyera nga procedurat e prokurimit për vitin 2019”, në të cilën ishte parashikuar rikonstruskioni i godinës së bashkisë.

      Mësohet se Kryetari i grupit socialist, Alfred Mullaraj, është shprehur se nuk mund të kërkohet rikonstruksion godine bashkie kur ka shumë emegjenca në kopshte, çerdhe apo familjet e prekura nga tërmeti.

      Por sipas Sakos, Mullaraj nuk duhet të fliste pasi ai si kryetar qarku nuk ka asnjë dijeni mbi situatën e termeteve.

      S’ke dijeni për situatën mbi tërmetet dhe nuk ke ,arrë pjesë në ditët e vështira që kaloi qyteti pas tërmetit,”– mësohet të ketë thënë Sako.

      Sako ka vijuar më tej duke u kërkuar dy drejtuesve të saj, drejtoreshës së Shërbimeve dhe Ekonomisë, që të bëjnë rezyme të situatës në të cilën ndodhet godina e Bashkisë Durrës.

      Këtu ka ndërhyrë edhe kryetari i Këshillit Bashkiak, Ani Dyrmishi, i cili e ka shpallur mbkedhjen të mbyllur.

      “Nuk ke asnjë kompetencë për vendimmarrje në mbledhjet e grupit,”– mësohet të jetë shprehur Dyrmishi duke mbyllur mbledhjen.

      Më pas anëtarët janë larguar nga salla duke e lënë Sakon të fliste, e cila filloi të përdorte tone të ashpra pas përgjigjes së Dyrmishit.

    Shto Koment