Politike

Kërkojnë rinumërim të votave, LSI: Do të depozitohet ankimimi për qarkun e Durrësit, Beratit dhe për Gjirokastrën

VIDEO
Endrit Braimllari në një dalje për mediat ka kërkuar rinumërim të votave në disa qarqe te vendit dhe përsëritjen e zgjedhjeve në qarkun e Gjirokastrës.
Featured image of article: Kërkojnë rinumërim të votave, LSI: Do të depozitohet ankimimi për qarkun e Durrësit, Beratit dhe për Gjirokastrën Endrit Braimllari

TIRANË-Lëvizja Socialiste për Integrim ka bërë të ditur se do të kërkojnë rinumërimin e votave në disa qarqe të vendit. Sekretari i Përgjithshëm i LSI, Endrit Braimllari në një dalje për mediat ka kërkuar rinumërim të votave në disa qarqe te vendit dhe përsëritjen e zgjedhjeve në qarkun e Gjirokastrës.

Braimllari shprehet se është manipuluar rezultati i votimeve, dhe LSI për këtë ka bërë një seri ankesash në SPAK dhe në institucionet përgjegjëse.


Deklaratë për mediat e Sekretarit të Përgjithshëm të LSI, Endrit Braimllari

Të nderuar qytetarë është shume e qartë dhe po faktohet moment pas momenti masakra zgjedhore që ka ndodhur në 25 prill me autor mafian e Rilindjes në pushtet. Të gjitha manipulimet, e pafund të procesit zgjedhor janë evidentuar dhe po evidentohen një për një. Ndonëse KQZ nuk ka nxjerrë akoma rezultatet përfundimtare pas të cilit lind edhe e drejta e ankimimit kemi bërë tashmë gati një sërë denoncimesh. Këto denoncime do të depozitohen menjëherë pas daljes së rezultatit përfundimtar.

Për më shumë bëhu pjesë e grupit më viral në Facebook, Dosja.al

Por, ndërkohë kemi depozituar kallëzim në SPAK për manipulime të rënda të procesit zgjedhor nga komisionerët dhe drejtorët e Rilindjes që manipulonin votat duke bërë shënime dhe duke i bërë të pavlefshme. Do të depozitohet ankimimi për përsëritjen e zgjedhjeve në Qarkun e Gjirokastrës, për përjashtim antikushtetues dhe  të paligjshëm, masiv të zgjedhësve nga e drejta për të votuar. Do të depozitohet ankimimi për pavlefshmërinë të një sërë qendrash votimi në Berat. Do të depozitohet ankimimi për Qarkun e Durrësit ne respect te parashikimeve ne kodin zgjedhore. Do te depozitohet kërkesa për rinumërim në disa qarqe të vendit për shkak të manipulimeve dhe parregullsive të rënda në procesin e numërimit. Si dhe vlerësimin e pavlefshmërisë së votave që lidhen me këtë proces. Kërkojmë nga KQZ, administrim me përgjegjësi absolute të të gjithë materialeve të votimit. Kërkojmë bllokimin e të gjitha materialeve të votimit dhe ruajtjen e tyre në respekt të ligjit dhe nën vëzhgim dhe monitorim me kamera. Ndërkohë, do të vijojnë ankimimet në të gjitha qarqet pas kqyrjes së pamjeve filmike. Ky evidentim dhe ky proces do të vazhdojë më përgjegjësi deri në fund për të zbardhur të vërtetën të masakrës dhe manipulimit që i është bërë vullnetit të shqiptarëve dhe votës së tyre. Faleminderit.

(a.b)/dosja.al

Shto Koment