Sociale

Katër fëmijë të prekur me COVID-19, epidemiologu Ulqinaku: Probabiliteti që të kalojnë në gjendje të rëndë është i vogël, mund të jenë infektuar në spital

Dritan Ulqinaku u shpreh se fëmijët mund të jenë infektuar në spital, por shtoi se probabiliteti që gjendja e tyre të reëndohet apo të ndërrojnë jetë është shumë e vogël.
Featured image of article: Katër fëmijë të prekur me COVID-19, epidemiologu Ulqinaku: Probabiliteti që të kalojnë në gjendje të rëndë është i vogël, mund të jenë infektuar në spital Dritan Ulqinaku, mjek

TIRANË– Koronavirusi në Shqipëri ka prekur dhe 4 fëmije, të cilët tashmë janë të shtuar në spital. Mjeku epidemiolog Dritan Ulqinaku, në një lidhje direkte me emisionin “Vizioni i Pasdites”, u shpreh se fëmijët mund të jenë infektuar në spital, por shtoi se probabiliteti që gjendja e tyre të reëndohet apo të ndërrojnë jetë është shumë e vogël.

Simptomat janë njëlloj, probabiliteti që një fëmijë të kalojë në gjendje të rëndë apo të ndërrojë jetë është shumë i vogël në krahasim me një qytetar, në moshë më të madhe, 0.01% për një fëmijë. Janë bërë tamponët patjetër. Mundësia më e madhe është ta kenë marrë në spital . Është pak e vështirë ta vendosim gishtin se ku e kanë marrë por besoj në ambientet e spitalit”, u shpreh Dritan Ulqinaku.

I pyetur sa do të zgjasë java e zjarrit epidemiologu Ulqinaku u shpreh se nëse vijojmë me këtë trend, situata është e menaxhueshme. “Të gjithë janë të prekur dhe të infektueshëm. Situata agravon me moshën dhe me sëmundje të tjera. COVID e ka vdekshmërinë 3-4%. Kjo nuk e përjashton rastin që nuk ka edhe të rinj që humbim jetën.  Shance nuk ka që virusi të përsëritet. Virusi duhet të bëj një mutacion të dytë, që ne e quajmë dritë. Për momentin ai që e kalon për një vit nuk kthehet”, shtoi më tej ai.

Për më shumë bëhu pjesë e grupit më viral në Facebook, Dosja.al

Përsa i përket hetimit epidemiologjik doktori tha që është i domosdoshëm bashkëpunimi i qytetarëve. “Është thembra e Akilit prandaj kërkoj bashkëpunimin e qytetarëve. Qe nga qëndrimi në shtëpi dhe adresat e sakta të çdo qytetari. Janë mjekët që shkojnë në shtëpi për të marrë kontakte me pacientët, shenjat etj. Bashkëpunimi me mjekët duhet të jetë i plotë.  Nëse fshehim diçka rrezikojmë jetë”, përfundoi epidemiologu.

174 të infektuar në Shqipëri me Covid-19, mes tyre 4 fëmijë dhe 6 viktima. Ndërkohë që 17 nga të prekurit janë shëruar, harta e infektimit është zgjeruar. Tropoja i bashkohet listës me 2 të infektuar, ndërsa epiqendra është në Tiranë me 102 të infektuar. 12 mjekë dhe infermierë janë prekur, ndërkohë që Spitali Infektiv, COVID1 po mbush kapacitetet me 73 shtretër. Qytetarët duhet të qëndrojnë brenda.

(A.B. Dosja.al)

Shto Koment